Wasiirka Tamarta iyo Qayraadka Biyaha XFS Mudane Jaamac Taqal Cabaas, oo uu wehliyo Guddoomiyaha Hay’adda Maareynta Musiibooyinka, Md. Maxamuud Macallim Cabdulle ayaa kulan mira-dhal ah oo diiradda lagu saarayay hindisaha lagu taageerayo gobollada laga xoreeyay khawaarijta la qaatay Safiirka Isu-tagga Imaaraadka Carabta ee Soomaaliya Md. Axmed Juma Al-Rumaithi.

Safiir Axmed Al-Rumaithi oo ka duulaya qorshaha Imaaraadka ee la shaqeynta Dowladda Soomaaliya ayaa saxiixay heshiis u jeedkiisu yahay qodista ceelal biyoodyo lagu taageerayo dadka Soomaaliyeed ee ku nool gobollada laga xoreeyay Khawaarijta.

Mudane Al-Rumaithi ayaa sidoo kale uga mahad celiyay Madaxweynaha JFS, Md. Dr. Xasan Sheekh Maxamuud iyo Xukuumadda, hagaajinta hababka taageerada qaranka, halka uu si weyn u bogaadiyay doorka baaxadda leh ee hay’adda SoDMA ku leedahay fududeynta hannaanka loo fulinayo mashruuca, si daahfuran oo labada dhinacba u dhexeysa.

Wasiir Tamarta XFS,Guddoomiyaha hay’adda Maareynta Musiibooyinka, ayaa uga mahaceliyay safiirka, shacabka iyo Dowladda Imaaraadka Carabta taageerada muddada dheer ah ee ay la garab taagan yihiin Soomaaliya.

Wasiirka Wasaaradda dhallinyarada iyo cayaaraha XFS Mudane, Xil Maxamed Barre Maxamuud ayaa gaaray magaalada Baydhabo ee xarunta KMG Koonfur Galbeed, waxaana garoonka ku soo dhoweeyay Wasiirka dhallinyarada iyo cayaaraha iyo saraakiil kale oo ka tirsan dowlad goboleedka Koonfur Galbeed.

Wasiir Maxamed Barre ayaa u tagay halkaas si uu ugu kuurgalo mashaariicda horumarinta dhallinyarada ee ka socda Koonfur Galbeed, in la dardargeliyo qodobbada hortabinta u leh siyaasadda Qaran ee dhallinyarada Soomaaliyeed ee dhowaan la ansixiyay iyo dhismaha Golaha Qaran ee dhallinyarada Soomaaliyeed oo ka kala imaanaya dowlad goboleedyada dalka.

Wasiir Maxamed Barre Maxamuud oo ka duulaya tiirka saddexaad ee Xukuumadda Dan-Qaran ee ah SOOMAALI HESHIIS AH ayaa xoogga saaray inuu wada shaqayn buuxda la yeesho Wasiirrada dhallinyarada iyo cayaaraha ee heer dowlad goboleed si loo dardargeliyo horumarinta iyo u qareemidda dhallinyarada Soomaaliyeed.

Safiirka Shiinaha u fadhiya Soomaaliya H.E Fei Shengchao ayaa maanta ku wareejiyay Gudoomiyaha Hay’adda Maaraynta Musiibooyinka Qaranka, Maxamuud Macallin Cabdulle kaalmo lacageed oo gaaraysa Boqol soddon iyo sagaal kun, saddex boqol toban iyo siddeed, afartan iyo shan Sent , (139.318.45$), taas oo billow u ah deeqo kala duwan oo dowladda Shiinaha ku garab istaagayso shacabka Soomaliyeed ee fataahaduhu saameyeen.

Safiirka Shiinaha ee Soomaaliya Ambassador, Fei Shengchao ayaa sheegay in Dowladdiisu ay mar walba garab taagan tahy shacabka Soomaaliyeed ee xaladdan adag ku jira, isagoo sheegay in gargaar iyo taakula kalana ay dhowaan billaabi doonaan, kana qayb qaadan doonaan dhismaha kaabayasha ku bur buray roobabka iyo dhismaha biya xireenno.

Guddoomiyaha Hay’adda SODMA oo khudbad kooban ka jeeday munaasabadda la wareegidda lacagta ayaa u mahadceliyay shacabka, dowladda iyo safiirka Shiinaha u qaabbilsan Soomaaliya isagoo sheegay in dowladda Soomaaliya iyo dowladda Shiinaha uu ka dhaxeeyo xiriir taariikhi ah oo aysan ahayn markii ugu horreysay.

Guddoomiyaha ayaa sidoo kale ka codsaday dowladaha caalamka in ay gargaar lasoo gaaraan dadka Soomaaliyeed ee isugu darsantay fataahadaha iyo colaadaha muddada dheer ah.

Wasiiirku waxa uu farayaa dhammaan hay’adaha caalamiga ah iyo saraakiisha ay sida tooska ah ugu socoto wareegtadu, oo ay ka mid yihiin agaasime waaxeedyada wasaaradda iyo hay’adaha dawladda in ay dhaqan geliyaaan wareegtadaan.
Wasiirku waxa uu xaqiijiyay in dhismaha Machadka Caafimaadka Qaranka Soomaliya in loo cuskaday xeerka ay ansixiyeeen aqlabiyada golaha wasiirrada ee dowladda Federaalka Soomaaliya, kuna soo baxay wareegtada Raysul Wasaaaraha Xukuumadda Federaaalka.
Wasiir, Waxa uu qirayaa muhiimadda uu u leeyahay Machadka Caafimaadka Qaranka hagaajinta himilooyinka caafimaaadka, ka hor Taga Cudurrada iyo Xakamaynta xanuunnada xilliyada ay jiraaan Musiibooyinka degdegga ah.

Cali Maqane iyo Axmed Cali Gadaf oo ka mid ahaa Odayaasha sida dhaw ula shaqeyn jiray Kooxda Khawaariijta ah ee ku sugan degmada Ceeldheer iyo degaanka Cowswayne ayaa isku soo dhiibay Ciidanka xoogga dalka iyo Kuwa dib u xoreeynta degaanka ee howlgallada ka wada xadka Galgaduud iyo Shabeellaha dhexe.

Axmed Cali Gadaf waxaa uu Khawaariijta kala shaqeyn jiray in uu u keeno xoolaha baadda ah ee ay argagixisadu xoogga ugu qaadato dadka degaanka Cowswayne.

Cali Maqane ayaa isna ahaa Oday dhaqameed ama (Naqiib) waxa ay u yaqaanan kaas oo isna khawaarijta u uruurin jiray xoolaha , wuxuuna dhowr jeer ka badbaaday weerar ay ku qaadeen Ciidamada dib u xoreeynta degaanka.

Firxadka Xubnahii la shaqeyn jiray Kooxda Khawaariijta ah ayaa yimid ka dib markii howlgallo gaar ah ay Ciidanka degaanku ka fuliyeen degmada Ceeldheer iyo deegaanno hoos taga, kuwaas oo lagu soo afjaray xubno muhiim u ahaa Khawaariijta qaarkoodna nolol lagu soo watay.

Guddoomiyeyaasha Labada Aqal ee Baarlamaanka Jamhuuriyadda Federaalka Soomaaliya ayaa magacaabay guddiyada saaxiibtinimada Baarlamaanka Soomaaliya iyo Baarlamaannada Shiinaha, Ciraaq iyo Isutaga imaaraadka Carabta.

Guddiga Wasaaradda Awqaafta iyo arrimaha Diinta XFS u qaabbilsan tartansiinta shirkadaha adeegga Xajka ayaa soo saaray liiska kama dambeysta ah ee magacyada shirkadaha ku guuleystay fulinta adeegyada Xajka sanadka 1445/2024.