Wasaaradda Arrimaha Gargaarka iyo Maareynta Masiibooyinka ee Dowlad-goboleedka Koonfur Galbeed ayaa ku dhawaaqday xaalad baniโaadanimo oo ka jirta deegaanada maamulkaasi.
Wasaaraddu waxay sameysay xog-uruurin ku saabsan xaaladda baniโaadanimo ee ka jirta deegaannada KGS, taas oo muujisay in 621,000 qof ay u baahan yihiin gargaar degdeg ah.
Sidoo kale, warbixinta ayaa xustay in 134,970 carruur ah oo daโdoodu ka yar tahay 5 sano ay wajahayaan xaalad nafaqo-darro aad u daran.
Wasaaraddu waxay sidoo kale sheegtay in yaraanta roobabka ay si weyn u saameysay dalagyadii beeraha iyo ilihii biyaha, taasoo keentay in dadku u kala guuraan masaafooyin fogfog si ay u helaan biyo iyo nolol.
