Safaaradda Jamhuuriyadda Federaalka Soomaaliya (JFS) ee Ankara ayaa bilihii la soo dhaafay ku mashquulsaneyd sidii xal waara loogu heli lahaa arrimaha sharciga deggenaanshaha ee qaar ka mid ah jaaliyadda Soomaaliyeed ee ku nool dalka Turkiga.
Danjire Faxtudiin Cali Maxamed (Ospite), oo arrintan si dhow uga warqabay, ayaa shir muhiim ah la yeeshay Wasiirka Arrimaha Gudaha ee Jamhuuriyadda Turkiga, Mudane Ali Yerlikaya.
Kulanka ayaa diiradda lagu saaray arrimaha la xiriira sharciyeynta deggenaanshaha jaaliyadda Soomaaliyeed ee Turkiga, iyo sidii xal waara looga gaari lahaa caqabadaha ay wajahaan.
Danjiraha ayaa uga mahadceliyay Wasaaradda Arrimaha Dibadda iyo Wasaaradda Amniga Qaranka Soomaaliyeed wada-shaqeyntii ay safaaradda kala sameeyeen arrinkan.
Sidoo kale, wuxuu si gaar ah ugu mahadceliyay dowladda Turkiga taageerada iyo garab istaagga joogtada ah ee ay siiyaan Soomaaliya.
