Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, ayaa Xafiiskiisa ku qaabilay Guddoomiyaha Golaha Wakiillada Dowlad-goboleedka cusub ee Waqooyi Bari Soomaaliya, Dr. Aadan Cabdullaahi Aw Xasan.
Kulankan ayaa diiradda lagu saaray muhiimadda dhismaha maamulka cusub ee Waqooyi Bari u leeyahay midnimada, wadajirka, iyo dardargelinta dowlad-dhiska dalka. Ra’iisul Wasaaraha ayaa tilmaamay in maamulkaasi uu yahay mid salka ku haya rabitaanka shacabka deegaanka, islamarkaana ka tarjumaya geeddi-socodka federaaleynta Soomaaliya.
Wuxuu sidoo kale xusay in dowladda dhexe ay diyaar u tahay in ay garab istaagto dadaallada maamulka cusub ee xagga amniga, horumarka iyo adeegyada bulshada.
