Taliyaha Ciidanka Booliiska Soomaaliyeed Sarreeye Guuto Asad Cismaan Cabdullaahi ayaa caawa kulan la qaatay ehalada Aabihii ay maanta jirdilka u geysteen xubno ka tirsan ciidanka Amaanka.
Ehelada Aabaha dhibanaha ah ayaa Taliyaha uga mahadceliyey siduu uga jawaabay dhacdada jirdilka ah ee ehel ahaan ay la kulmeen, waxayna aqbaleen raaligelinta ay madaxda sare kala kulmeen , iyagoona sheegay inaysan raali ka aheen in dhibta soo gaartay la siyaasadeeyo.
Kulankaan waxaa goobjoog ka ahaa Taliye ku xigeenka Ciidanka Booliska Sarreeye Guuto Cismaan Cabdullaahi , Taliyaha Booliska Gobolka Banaadir Macalin Mahdi iyo Xildhibaan Yaasiin Fareey.
