Shirka Madasha Arrimaha Baniโaadannimada Soomaaliya (CHF 2025), oo ay soo qaban-qaabisay Hayโadda Maareynta Musiibooyinka (SoDMA), ayaa ka furmay magaalada Baydhabo.
Shirka waxaa si rasmi ah u daah-furay Guddoomiyaha Baarlamaanka Koonfur Galbeed, waxaana ka qeybgalaya Guddoomiyaha SoDMA, Wasiirrada Gargaarka ee dowlad goboleedyada, maamulka Gobolka Banaadir, hayโadaha deeq-bixiyeyaasha, ururrada bulshada rayidka ah, ganacsatada, iyo marti sharaf kale duwan.
Shirka ayaa diiradda saaraya wax ka qabashada xaaladaha baniโaadannimo ee dalka, iyadoo la adeegsanayo hannaanka wada-jirka ah, xoojinta howlaha gargaarka, wax-ka-qabashada caqabadaha dhaqaale, isu-duwidda dadaallada, iyo kor u qaadidda iskaashiga dhexmara dhammaan daneeyeyaasha la xiriira baniโaadannimada.
