Hayโadda Maareynta Masiibooyinka Qaranka Soomaaliyeed (SoDMA) ayaa magaalada Muqdisho kusoo gabagabeysay shir wada-tashi ah oo socday laba maalmood. Kulankan ayaa waxaa ka qeybgalay wasaaradaha u qaabilsan gargaarka iyo maareynta masiibooyinka ee maamul-goboleedyada dalka iyo maamulka gobolka Banaadir.
Shirka ayaa diiradda lagu saaray horumarinta iskaashiga hayโadaha masโuulka ka ah arrimaha biniโaadantinimo iyo maaraynta masiibooyinka, iyadoo la falanqeeyay qorsheyaasha istiraatiijiga ah ee shanta sano ee soo socota. Qorshayaashan ayaa lagu hagayaa dadaallada ka hortagga iyo wax ka qabashada masiibooyinka dalka.
Lataliyaha Sare ee SoDMA, Maxamed Mukhtaar, ayaa soo jeediyay warbixin qoto dheer oo ku saabsan hannaanka qorsheynta iyo horumarinta wada-shaqeynta hayโadaha heer federaal iyo heer maamul-goboleed. Waxa uu sidoo kale iftiimiyay mudnaanta la siinayo diyaarinta qorshayaal wax-ku-ool ah oo lagu xoojinayo adkeysiga bulshada Soomaaliyeed ee ay saameeyaan masiibooyinka dabiiciga ah iyo kuwa biniโaadam sameega ah.
Masโuuliyiinta ka kala socday maamul-goboleedyada iyo gobolka Banaadir ayaa soo bandhigay warbixinno la xiriira xaaladda biniโaadantinimo ee gobolladooda, iyaga oo si furan uga hadlay caqabadaha haysta adeegyada gurmadka degdegga ah, isgaarsiinta iyo isku-duwidda howlaha la xiriira maaraynta masiibooyinka.
Shirka ayaa si rasmi ah waxaa u soo xiray madaxa horumarinta mashaariicda ee SoDMA, Dr. Ismaaciil Jimcaale, isagoo uga mahadceliyay dhammaan ka qaybgalayaasha sida hagar laโaanta ah ee ay uga qeyb qaateen kulankan muhiimka ah. Dr. Jimcaale ayaa xusay muhiimadda ay leedahay wada-shaqeyn dhab ah oo u dhexeysa dhammaan hayโadaha heer federaal iyo heer maamul-goboleed si loo xaqiijiyo badbaado iyo horumar waara.
