Waxqabadka Dowladda Federaalka Soomaaliya

Date:

Waxqabadka Dowladda Federaalka Soomaaliya

Warbixinta Toddobaadlaha

Muqdisho, Arbaco, 26 April, 2023

1- Dowladda iyo shacabka ayaa ugu Hambalyeeyay Ciidammada Qalabka Sida ee Soomaaliya oo bishii Ramadaan xaqiijiyay in magaalooyin badan oo dalka ka tirsan si nabad ah loogu soomay, laguna ciiday. Ciidanka oo kaashanaya shacabka ayaa Khawaarijta u diiday fursad ay ku geystaan falal argagixisonimo sidii looga bartey sannooyinkii la soo dhaafay.

2- Munaasabadda Ciidul Fidriga awgeed ayaa Madaxweyne Xasan Sheekh Maxamuud waxaa uu shacabka Soomaaliyeed ugu baaqey inay is cafiyaan, is-kaalmeeyaan, lagana shaqeeyo dowlad dhiska iyo ciribtirka Khawaarijta.

3- Madaxweynaha Jamhuuriyadda Federaalka Soomaaliya Dr. Xasan Sheekh Maxamuud ayaa cafis u fidiyay 127-maxbuus oo ku xirnaa xabsiyada dalka munaasabadda Ciiddul Fidriga awgeed.

4- Ra’iisul Wasaaraha Xukuumadda Federaalka Soomaaliya Mudane Xamse Cabdi Barre ayaa Ciidammada Qalabka Sida ugu hambalyeeyay suuragelinta sugidda amniga dalka, gaar ahaan iyagoo suurageliyay in magaalooyin badan oo dalka ka tirsan 15 sanno kadib si nabad ah oo xorriyad leh loogu afuray.

5- Madaxweynaha Jamhuuriyadda Federaalka Soomaaliya oo booqday xerada milateriga ee Gordan ee Muqdisho ayaa halkaasi kula dardaarmey cutubyo ka tirsan Ciidanka Xoogga Dalka Soomaaliya oo ku biiraya hawlgalada ciribtirka Khawaarijta ee dalka daafahiisa ka socda.

6- Madaxweyne Xasan Sheekh oo Marwo Maryan Yaasiin u magacaabey Ergayga Arrimaha Carruurta iyo xuquuqda Soo-galootiga.

7- Dowladda Federaalka Soomaaliya oo degdeg u bilaabeysa daadgureynta iyo badbaadinta shacabka Soomaaliyeed ee ku xayiran dalka Suudaan oo dhowaan ay dagaalo ka bilowdeen.

8- Wasiirka Arrimaha Dibedda ee Burundi Albert Shingiro oo dhowaan Muqdisho booqasho ku yimid ayaa bogaadiyay guulaha degdegga ah ee Dowladda Soomaaliya ay ka gaartey dagaalka lagula jiro Khawaarijta Al Shabab, isagoo intaa ku darey in Burundi ay si buuxda u garab taagan tahay Soomaaliya.

9- Wasaaradda Arrimaha Dibadda iyo Iskaashiga Caalamiga ayaa wakiillada hay’adaha caalamiga  kala hadashey qorshaha samatabixinta muwaadiniinta Soomaaliyeed ee ku go’doonsan dalka Suudaan oo dagaalo ka socdaan.

10- Wasiiru Dowlaha Wasaaradda Amniga Mudane Maxamed Cali Xagaa oo guddoomiyay shir looga hadlayey xoojinta amniga iyo hirgelinta Xeerka Xakameynta Hubka ee caasimadda.

11- Ciidanka Xoogga Dalka Soomaaliya oo burburiyay goobo ay Khawaarijta dadka ku baadi jireen oo kala ah

Aw-dheegle, Daanyeerrey, Gumeysi diid, Ay Butey, Buulo Naageey iyo Keli caafimaad oo ka kala tirsan Aw-dheegle, Jannaale iyo Lambar Konton ee gobolka Shabeellaha Hoose.

12- Ciidamada Xoogga Dalka ayaa  fashiliyay weerar naf la caari ah oo Khawaarijta ku qaadeen magaalada Masagawaa ee gobolka Galgaduud.

13- Ciidanka Xoogga Dalka oo Khawaarijta ka xoreeyay tuulada Jameeco ee gobolka Hiiraan.

14- Ciidanka Booliska Gobolka Banaadir oo hawlgal amniga lagu sugayo ka fuliyay Muqdisho ayaa gacanta ku soo dhigay dhowr burcad ah iyo dad ka ganacsanayey maandooriyaha.

15- Maxkamadda gobolka Banaadir ayaa la horkeenay 30 ruux oo ajaanib ah oo lagu soo eedeeyay inay kaluumeysi sharci darro ah ka fuliyeen xeebaha dalka. Waxaa sidoo kale maxkamadda ay xaraasheysaa kaluunkii sida sharci darada ah ay eedeysanayaasha uga jilaabteen xeebaha Soomaaliya.

16- Ciidanka Danab oo deeq raashin ah gaarsiiyay xarun ay ku jiraan caruur darbi jiif ah.

17- Maamulka Gobolka Banaadir oo xiray goobo lagu iibiyo maandooriyaha oo ku yaala xeebta Liido ee Muqdisho.

18- Ciidanka Xoogga Dalka Soomaaliya ayaa burburiyay fariisimo qarsoodi ah oo Khawaarijta ku lahaayeen degaanka Ceel-Qansax oo hoos taga degmada Galcad e Galmudug.

19- Ciidanka Xoogga Dalka Soomaaliya iyo Daraawishta Jubaland ayaa burburiyay fariisimo ku yaalla Buula Maadey iyo Alamgaab oo ka tirsan Jubbada Hoose, halkaas oo ay Khawaarijtu ku dhuumaleysanayeen.

20- Ciidanka Danab ayaa deeq gaarsiiyay qeybo ka mid ah Degmada Galcad oo ka mid ah  degaannadii laga xoreeyay Khawaarijta Al Shabaab.

=========DHAMMAAD===========

 

 

Share post:

Ugu Akhris badan

Kuwo kale
Kuwo kale

ATMIS oo soo Gabagabeysay Wejigii 2-aad ee dhimista Ciidankooda (WARBIXIN)

Howlgalka Midowga Afrika ee Soomaaliya  ATMIS ayaa dabayaaqadii bishii...

Ciidanka taliska Abiye oo laga saaray magaalada Bahir-dar

Xaalad kacsan ayaa laga soo warineyaa, magaalada Bahir Dar...

Wasiirka Caafimaadka XFS oo u hambalyeeyay Wasiirka Caafimaadka Qadar oo loo aqoonsaday wasiirka ugu wanaagsan dunida

Wasiirka Caafimaadka iyo daryeelka bulshada Xukuumadda Federaalka Soomaaliya Mudane...

Ciidanka Xoogga oo hawlgal ka sameeyey Deegaanka Cali Yabaal

Ciidanka Xoogga Dalka oo kaashanaya Saxiibada Caalamka Ayaa howlgal...