Golaha wasiiradda xukuumadda federaalka Soomaaliya ayaa ansiixiyay hindise sharciyeedka hay’adda Socdaalka iyo jinsiyadda Soomaaliya, Hindise-Sharciyeedka dhiiri-gellinta Maalgashiga Soomaaliya, Hindise sharciyeedka Hey’adda Xisaabiyaasha Soomaaliyeed iyo magaabista Guddiga xaqiijinta dadaallada Cunagabateynta Hubka looga qaadayo Soomaaliya
Golaha Wasiirada ayaa maanta yeeshay shirkooda todobaadlaha ah oo uu guddoomiyay Ku-simaha Ra’iiisul Wasaaraha ahna Ra’iisul Wasaare ku xigeenka XFS Mudane Saalax Axmed Jaamac
Wasaaradaha Amniga Gudaha iyo Gaashaandhigga ayaa golaha warbixin ka siiyey xaaladihii ugu danbeeyey ee amniga iyo howlgallada dalka looga xoreynayo kooxaha Khawaarijta ah. Golaha ayaa boggaadiyey guulaha isdaba joogaa ee laga gaaray howlgallada xoreynta ee ka socda qaar kamid ah gobollada dalka.
