Faah-faahino dheeraad ah ayaa ka soo baxaya Naftii halige katirsan Argagixisada arxanka daran ee shabaab oo isku qarxiyey Xerada Tababarka Ciidanka Gen Dhagabadan Ex Xero Nacnac.
Inta la xaqiijiyay 5 qof ayaa dhimatay 11 kalana wey ku dhaawacmeen kadib markii qof naftii hallige ah uu isku qarxiyay banaanka Xerada Tababarka Ciidanka Gen Dhagabadan Ex Xero Nacnac.
Taliyaha Ciidanka Xoogga Dalka Soomaaliya S/Guuto Odawaa Yuusuf Raage oo la hadlay warbahainta qaranka ayaa xaqiijiyay in qofka is qarxiyay damiciisu ahaa in uu ku dhex dhuunto dhalinyaro loo xareynayay dhiboow si ay ugu soo biiraan Ciidanka Xoogga Dalka Soomaaliyeed laakiin uu qarxay inta uusan gaarin bartilmaamedkii uu u socday.
Taliyaha ayaa sheegay in uu socdo baaritaan xooggan si looga hortago dhagarta Khawaarijta Al-shabaab.
Ciidamada Xoogga Dalka Soomaaliyeed ayaa Al-shabaab ka sifeeyay deegaano muhiim ah oo istiraatijad weyn ugu fadhiyay khawaarijta ayna ka soo maleegi jireen qaraxyada iyo weerarada ay ku beegsanayaan shacabka Soomaaliyeed.
