Magaaladda Hyderabad ee dalka Hindiya waxaa hawlo shaqo u jooga Safiir ku-xigeenka Safaaradda Soomaaliya ee dalka Hindiya ahna Ku-simaha Safiirka Mudane Cabdifataax Cabdullaahi Nuur.
Ka dib hawlgallo guud oo ay Ciidanka Booliiska dalka Hindiya ay sameeyeen kuna soo qabteen dadka sharci-darrada ku jooga dalkaas ayaa waxaa lagu soo xiray dad badan oo aajaanib ah kuna jiraan muwaadiniin Soomaaliyeed.
Danjire C/fitaax ayaa kulamo kala duwan la qaatay hey’adaha Amniga gaar ahaan Booliiska waxaana lagu guuleestay in dib xabsiga looga sii daayo Muwaadiniin Soomaaliyeed , sidoo kale waxaa lagu guuleystay in qaar kale oo ay booliiska ka qaateen baasabooradooda in ay Safaaradda dib ugu celisay gacanta muwaadiniinta Soomaaliyeed.
Muwaadiniinta Soomaaliyeed ee ku sugan magaalada Hyderabad ayaa isugu jira kuwa u jooga arrimo Caafimaad iyo Arday wax ka barata halkaasi.
