Duqa Degmada Gaalkacyo Mudane Cabdiraxmaan Sheekh Xasan oo uu Wehliyo Guddoomiye ku xigeenka Gobolka mudug Ahmed Shire Qodaar ayaa Maanta Degmada Gaalkacyo ku soodhaweeyey Wafdi Balaaran uu horkacayay Madaxa Hay’adda Qaxootiga adduunka (UNHCR) Filippo Grandi.
Wafdigaan ayaa Gaalkacyo u yimid inay ka ogaadaan Xaaladaha dhanka nolosha ah ee ay ku sugan yihiin dadka barakacyaasha ah ee Magaalada Gaalkacyo.
Wafdigaan ayaana soo kormeerey qaar ka mid ah kaamamka barakacyaasha ah ee Magaalada Gaalkacyo oo xiligaan adeg wajahaya Xaaladaha dhanka nolosha ah ee Magaalada Gaalkacyo.
Madaxa hay’adda Qaxootiga Adduunka (UNHCR) mudane Filippo Grandi ayaa sheegay in la kordhin doono guryaha xalka waara si dib u dajin iyo gargaarba loogu fidiyo barakacayaasha waxa uuna ballanqaaday in ay kordhin doonaan dhaqaalaha lagula tacaalayo xaaladda abaaraha iyo barakacayaasha Soomaaliya.
