Wasiirka Gaadiidka iyo Duulista Hawada Xukuumadda Federaalka Soomaaliya , Xil. Fardowsa Cismaan Cigaal ayaa la kulantay agaasimaha Guud ee hayโadda Duulista Rayidka ee Dalka Ingiriiska , Dr. Rannia Leontaridi.
Kulanka ayaa looga hadlay Iskaashiga adeegyada Duulista Hawada iyo horumarinta wadaaga khibrada iyo tababarada , iyadoo diiradda la saarayo kor u qaadista hannaanka maamulka iyo adeegga ee Duulista Hawada Soomaaliya.
Wasiirka Gaadiidka iyo Duulista Hawada Soomaaliya , Xil. Fardowsa Cismaan Cigaal ayaa kulanka ku sheegtay inuu qeyb ka yahay qorshaha lagu ballaarinayo iskaashiga caalamka , si nidaamka Hawada sare ee Dalka uu u muujiyo doorkiisa dunidda.
โ Dalkeenna maanta wuxuu jooga halkii uu uga mid noqon lahaa waddamada leh hawada adeegyadeeda iyo maamulkeeda la isku haleyn karo , annagoo ka faaโiideysanayna sida ay hawadeena u tahay goob istiraatiji ah.โ Wasiir Fardowsa ayaa sidaa sheegtay.
Agaasimaha Guud ee hayโadda Duulista Rayidka ee Dalka Ingiriiska , Dr. Rannia Leontaridi ayaa dhankeeda boggaadisay horumarrada Soomaaliya ee Duulista Hawada , iyadoo marka xaqiijisay sida ay uga goโantahay inay xoojiyaan doorkooda iskaashiga iyo taageerro ee hayโadda Duulista Rayidka Soomaaliyeed.
Kulanka ayaa sidoo kale waxaa goobjoog u ahaa , maareeyaha hayโadda Duulista Rayidka Soomaaliya , Mudane Axmed Macalin Xasan.
