Wararka aan maanta ka heleyno degaanka 20-jirow ee gobolka Bay waxay sheegayaan in laga xoreeyey argagixisada Al-Shabaab, kadib markii waaberigii hore ee saakay ay weerareen ciidanka xoogga dalka iyo kuwa deegaanka ee labaxay ‘Dulmidiid’ degaankaas ayaa 60 KM u jira magaalada Baydhaba.
Wararka aan ka heleyno K/Galbeed waxay intaas ku darayaan in sidoo kale saakay argagixisada laga xoreeyey degaanka Say-dheerow oo isna 30 KM u jira magaalada Baydhaba, waxayna maanta ciidamadu ku sii siqayaan deegaano badan oo horay uga maqnaa gacanta maamulka Koonfur Galbeed.
