Ugu yaraan saddex iyo labaatan qof ayaa ku dhintay tiro intaa ka badanna way ku dhaawacmeen ka dib markii dagaal uu dhex maray dhinacyada siyaasdda isku haya ee ku sugan caasimadda Liibiya ee Tripoli.
Safiirka Maraykanka ee Liibiya, Richard Norland, ayaa taageeray baaqyada Qaramada Midoobay ee ku aaddan xabbad-joojin degdeg ah, wuxuuna ka codsaday wadahadal ay fududayso Qaramada Midoobay oo dhex mara dhinacyada isku haya Libiya.
Mid ka mid ah xaafaadaha caasimadda Liibiya ee dagaalku ka dhacay waxaa degganaa tahriibayala Soomaaliya oo saqdhexe daryanka rasaasta ku kacay kadibna halkaa naftooda kala baxsaday kuwaa oo hadda dhibaatooyin ku haystaan aag ka baxsan magaalada, sida uu BBC-da u sheegay Mustafe Cabdi xaashi oo ka mid ahaa tahriibayaasha.
