Kullan ciyaareed kubadda cagta ah oo lagu soo dhoweynaayay, looguna hambalyaynaayay wasiirka cusub ee dhallinyarada iyo ciyaaraha ee XFS, mudane Xildhibaan Mohamed Bare Mohamud ayaa lagu qabtay magaalada Istanbul ee dalka Turkiga.
Ciyaarta ayaa waxaa ka qeyb galay Laba koox oo isugu jirta Wariyayaal, Fannaaniin, Ganacsato, Siyaasiyiin iyo dhalinyarada caan ka ah baraha bulshada.
Qaar kamid ah ciyaartoydii kullanka ka qeybgalay oo la hadlay Warbaahinta Qaranka ayaa u hambalyeeyay Wasiir Maxamed Barre Maxamuud, iyagoo ugu baaqay in uu ka shaqeeyo Midnimada dhallinyarada Soomaaliyeed.
Wasiir/ Xildhibaan Maxamed Barre Maxamuud ayaa kamid ah Wasiirada cusub ee dhowaan uu magacaabay Raโisul Wasaaraha XFS, mudane Xamse Cabdi Barre, isla markaana ay ansxiyeen Golaha Shacabka ee BFS, isagoo noqonaya Wasiirkii u horreeyay ee dhallinyaro ah oo loo magacaabo Wasaaradaan, waxaana laga rajeynayaa in heer sarre uu gaarsiiyo Wasaaradda Dhalinyarada iyo Ciyaaraha ee XFS oo muhiim u ah wasaaradaha dalka.
