MUQDISHO-JUUN-2022:Gudoomiyaha magaalada Dhuusamareeb ahna Duqa caasimada Galmudug mudane Abdirahman Ali Mohamed”Geedaqorow”oo ay wehliyaan gudoomiyaha Gobolka Galgaduud iyo wasiiro kamida xukumada Galmudug ayaa maanta gaaray Degmada Baxdo ee Gobolka Galgaduud oo shalay uu kadhacay dagaal ay kooxda khawaarijta Alshabaab kusoo qaaday dadka deegaanka Baxdo.
Gudoomiye Geedaqorow iyo madaxda kale ee maanta gaaray Baxdo ayaa gaarsiiyay dadka baxdo iyo ciidanka qalabka ee Galmudug iyo kuwa xoogga deeq iskugu jirta nuucyada cuntada iyo Geel loogu talo galay in ciidanka qalabka sida loo qalo taa oo ay kuwareejiyeen maamulka Degmada Baxdo,saraakiisha ciidanka iyo culumada degaanka.
