Wafdi uu hoggaaminayo iskuduwaha Mashruuca Biyoole ee Dowlad goboleedka Galmudug Abdalla Suleyman ayaa kormeer indho indheyn ah kutagay bar biyoodka Wadgalinsoor oo ah wartii ugu horeeysay ee uu dhisay mashruuca Biyoole ee Dowlad goboleedka Galmudug.
Wartaan oo ah mid casri ah ayaa lafilayaa in ay kaalin mug iyo miisaan leh ka qaadato qabashada Biyaha roobka, horumarinta beeraha iyo xooladhaqatada ku dhaqan deegaanada hoostagta Wadgalinsoor.
Dhismaha wara biyoodkan oo ahaa sadex barood ayaa laga bilaabay bilowgii sannadkaan deegaano katirsan Gobolada Mudug iyo Galgaduud kuwaas oo hada soo wada idlaaday.
Wara Biyoodkaan ayaana la filayaa in dhawaan ay xariga kajaraan madaxda Galmudug oo ay ugu horeeyaan wasiiradda Biyaha, Qorsheynta iyo Howlwadeenada Mashruuca Biyoole ee dowladda Galmudug.
