Wasaaradda Qorsheynta, Maalgashiga iyo horumairnta dhaqaalaha Xukuumadda Federaalka Soomaaliya ayaa maanta ka daahfurtay Magalaada Dhuusamareeb Shir wadatashi ah oo ku saabsan diyaarinta qorshe howleedka Istaarjiyada Xalka Waara 2021- 2022 ee Dowlad Gobaleedka Galmudug.
Shirka waxaa ka qeyb galay Wasiirka Wasaaradda Qorsheynta Galmudug, Mudne Cabdinaasir Cilmi Geele, Agaasimaha guud, Agaasimaha Xafiiska Xalka waara ee Wasaaradda Qorsheynta Qaranka, qaar ka mid ah madaxda Wasaaradaha dowlad gobaleedka Galmudug, iyo Khubaro ka socda Wasaaradda Qorsheynta Dowladda Soomaaliya
Wadatashiga waxaa uu socan doona muddo saddex cisho ah iyada oo lala tashanayo wasaaraddaha Ganactada, Ururrada bulshada rayidka, dadka barakaca uu saameyay iyo hay’adaha ka shaqeeya arrimahan ee ka howl gala deeganada Galmudug.
Agaasimaha Xafiiska Xalka Waara Marwo Zahra Cabdi Maxamed ayaa faah-faahisay ahmiyadda wadatashigan uu leeyahay.
“in la joogo xilligii dowlad goboleedka Galmudug xil adag iska saari lahayd fulinta Straregya Xalka waara (2021-2022). Ayadoo loo sii marayo diyaarinta qorshe hawleeda sanadka 2021-2022, ee ay yeelan doonto dowlad goboleedka Galmudug, kaas oo wax badan looga badali doono sidii xal waara ay u heli lahaayeen Barkacayaasha, Qaxootiga iyo dadka dalk dib ugu soo laabtay ee ku sugan dowlad goboleedka Galmudug” Agaasime Zahra.
Wasiirka Wasaaradda Qorsheynta dowlad gobaleedka Galmudg Mudnae Cabdinaasur Cilmi Geelle ayaa sheegay in ay muhiim u tahay diyaarinta qorshe howlaadka 2021-2022 ee Istaarajiyada Xalka waara dowlad gobaleedka Galmudug.
“horay ugama aanan fikirin in la hormariyo Strategy lagula tacaalo xaaladaha barakacayaasha iyo qaxootiga, laakiin hadda waxaa ilaahay mahadiis ah in la xafiiska xalka waara ee Wasaaradda qorshaynta ay sameeyeen Strategy yad soconaysa 2021-2022 oo lagula tacaalayo waxna looga qabanayo duruufaha barakacayaasha, qaxootiga iyo dadka dibadda dalka ka soo laabanaya” ayuu yari Wasiir Geelle.
Ugu dambeyntii shirka wadatashiga waxaa laga rajeynaa in ay ka soo baxaan Qorshe howleedka dowlad gobaleedka Galmudug ee xoogga saarayo arrimaha barakaca iyo qaxootiga kaas oo la jiho ah Istaraajiyada Qaran ee Xalka waara.
