Taliyaha qeybta 27aad ee xoogga Dalka Jeneraal Maxamed Axmed โTareedishoโ ayaa sheegay in howlgal qorsheysan oo ay fuliyeen guutada 3aad ururka 19aad ee ciidanka xoogga dalka lagu bur buriyay goobo ay maleeshiyada Al-Shabaab ku diyaarinayeen waxyaabaha qarxa.
Jeneraal Maxamed Axmed oo la hadlay Radio Muqdisho ayaa tilmaamay in howlgalka laga fuliyay deegaanno hoostaga degmada Balcad, halkaasi oo ay ku dileen horjoogayaal iyo maleeshiyaad ka tirsan Al-Shabaab.
โXalay waxaa ka loo ay ciidanka fuliyeen howlgal ay ka sameeyeen deegaan 8 Km u jirta degmada Balcad ee gobolka Shabeelaha Dhexe, halkaasi oo ay ku dileen horjoogayaal iyo maleeshiyaad ka tirsan argagixisada Al-Shabaab, waxaana laga soo qabtay waxyaabaha qarxa oo ay dhagarqabayaashu doonayeen inay ku dhibaateeyaan shacabka Soomaaliyeedโ. Ayuu yiri Jeneraal Tareedisho.
Taliyaha qeybta 27aad ee xoogga Dalka ayaa xusay in la joogteyn doono howlgallada ka dhanka ah maleeshiyada Al-Shabaab.
