Wasaaradda Caafimaadka iyo Daryeelka Bulshada ee Xukuumadda Soomaaliya ayaa si adag u cambaaraysay falka wuxuushnimada ah ee lagu xasuuqay howl-wadeenada c/fimaadka ka howlgalayay deegaanka Gololeey ee Degmada Balcad, Gobalka Shabeellada Dhexe.
Wasiirka C/fimaadka ayaa falkan ku tilmaamtay mid nasiib darro ah, iyadoo xustay in howl-wadeennada caafimaadka ay ku jiraan xilligan adag oo ay la tacaalayaan xakameeynta caabuqa COVID-19 oo kusii baahaya dalka oo idil.
โWasaaradda Caafimaadka waxay tacsi tiiraanyo leh u diraysaa ehelada iyo bulshada Soomaliyeed, waxayna ilaahay uga baryaysaa marxuumiinta inuu Jannadii Fardowsa ka waraabiyo, ehelka iyo bahweynta caafimaadkana samir iyo iimaan ka siiyoโ. Ayay tiri Wasiir Fawsiya oo hadalkeeda ku dartay โWaxaan murugada la qaybsanaynaa bulshada iyo bahda caafimaadka, waxaana dalbanaynaa in cadaalad ay helaan Howlwadeenaadaas lagu xasuuqay Gololeeyโ.
