Muqdisho (SNTV), Taliyaha Ciidanka Booliska Soomaaliyeed Sarreeye guuto Bashiir Cabdi Maxamed Ameeriko, ayaa maanta xafiiskiisa kulan kula qaatay ku xiggeenka Safiirka dawladda aan walaalaha nahay ee Turkey u fadhiya Soomaaliya Mudane Cali kan Aksooy.
Waxay kawada hadleen siddii dawladda Turkey gacan ay uga geysan laheyd tababarka iyo qalabeynta Ciidanka Booliska Soomaaliyeed iyo arrimo kale.
Ku xiggeenka Safiirka Turkiga ee Soomaaliya, ayaa sheegay in dawladdiisa diyaar ay tahay caawinta iyo garab istaaga Taliska Ciidanka Booliska Soomaaliyeed, waxaana S/guuto Bashiir Cabdi Maxamed Ameeriko uu uga mahad celiyey sida wanaagsan ee xafiiskiisa uu ugu soo dhaweeyey.
