Guddiga Taakuleynta Ciidamadda oo daah furay Barnaamijkooda.

0

Muqdisho(SONNA):–Shiikh Nuur Baaruurd Gurxan oo ah Gudoomiyaha Gudiga Taakulaynta Ciidamada Xooga Dalka Soomaaliya oo la hadlay Warbaahinta Qaranka ayaa ka war bixiyay Waxyaabihii u qabsoomay Guddiga tan iyo markii Dowladda Federaalka Soomaaliya ku dhawaaqday, isagoo sheegay in la daahfuray Barnaamijka Taakuleynta Ciidamada Qalabka Sida.

Sheekh Nuur ayaa u mahadceliyay Jaaliyada Soomaaliyeed ee ku nool wadamada Caalamka isagoo tilmaamay inay ka imaanayaan jaaliyada Soomaaliyeed codsiyo ku aadan Taakulaynta Ciidamada.

 

‘Waxaan u mahadcelinaynaa Jaaliyadda soomaaliyeed ee ku Nool Dalka dibadiisa kuwaasoo Xili walaba Nalal Soo xirira sidii ay u Taakuleyn lahayeen Ciidanka Qaranaka soomaliyeed ,Barnaamijkeena taakuleynta Ciidamadda waa la daah furay.” ayuu yiri Seekh Baruud Gurxan

Gudoomiyaha Gudiga Taakulaynta Ciidamada Xoogga Dalka Soomaaliya ayaa dhanka kale soo hadal qaaday inay qorshaha guddiga ay tahay ka warqabida iyo garab istaaga Ciidamada Naafada qaranka iyo Qoysaskooda.

Dowladda Federaalka Soomaaliya ayaa dhawaan ku dhawaaqday Guddi loogu talo galay taakulaynta Ciidamada Qaranka Soomaaliyeed.