20 Qof Oo Haween u Badan Oo Ku Geeriyooday Qarax Miino Shabeellaha Hoose

Date:

Muqdisho,(SONNA):-inta la xaqiijiyay 20 Qof oo Haween u badan ayaa ku geeriyootay Qarax Miino oo lala eegtay Gaari PL ah oo Marayay Deegaanka Golweyn ee Duleedka Magaalada Marko Ee Xarunta Gobalka Shabeellaha Hoose.

3 Qof oo dhaawac daran ah ayaa ka soo hartay rakaabkii la socday gaarigaasi, kuwaa oo ku wajahnaa Magaalada Marka.

Guddoomiyaha Gobalka Shabeellaha Hoose Ibraahim Aadan Najax ayaa Wakaaladda Wararka Soomaaliyeed Ee SONNA u sheegay in Dadka Saarnaa Gaarigaasi la qarxiyay ay ahaayeen Haween ku guda jiray Howlo Ganacsi ah, isagoo ku tilmaamay musiibo qaran.

“Musiibo weyn ayaa maanta ka dhacday gobalka, 23 qof oo haween u badan oo la socday gaari Caasi ah ayaa miino kula kacday deegaanka Golweyn, magaalada Marko ayay ku sii socdeen, 3 qof oo dhaawacyo culus qaba ayaa ka badbaaday musiibadaasi, 20 qofna weyn dhinteen” ayuu yiri Mudane Najax.

Maleeshiyaadka Al-shabaab ayaa miinadaasi ku aasay wadada, iyadoo dhibaato xoog leh u geystay muwaadiniin Soomaaliyeed oo aan waxba galabsan.

Share post:

Ugu Akhris badan

Kuwo kale
Kuwo kale

Wasiirka Arrimaha Dibedda XFS oo maanta la wareegay xilka

Wasiirka Cusub ee wasaaradda Arrimaha Dibadda Xukuumadda Federaalka Soomaaliya...

Wasiirka Gaashaandhiga XFS oo Hambalyo u diray Ciidanka Xoogga iyo Saraakiishooda

:-Wasiirka Wasaaradda Gaashaandhiga Xukuummadda Federaalka Soomaaliya Mudane Cabdiqaadir Maxamed...

Safiirka Soomaaliya ee Kenya oo ka qayb galay kulan Casho sharaf ah oo looga hadlayey dhaqanka iyo Ganacsiga Soomaalida

-Danjire Jibriil Ibrahim Abdulle ayaa xalay ka qayb-galay kulan...