Ciidamada Gaarka ah ee Xoogga Dalka Soomaaliyeed (CXD) ayaa xalay fuliyay howlgal qorsheysan oo ka dhacay deegaanka Buula Madiina ee hoostagta degmada Afgooye, gobolka Shabeellaha Hoose, halkaas oo ay ku dileen saddex ka tirsan maleeshiyaadka Khawaarijta Al-Shabaab.
Intii uu howlgalka socday, ciidamadu waxay guul ka gaareen badbaadinta 30 qof, oo ay ku jiraan labo dumar ah, kuwaas oo Khawaarijtu afduub ahaan u haysteen.
Sidoo kale, waxaa la burburiyay xabsi iyo maxkamad beenaad oo argagixisadu halkaas ka dhistay, kuna dhibaateyn jirtay shacabka deegaanka.
Howlgalkan ayaa qayb ka ah dadaallada joogtada ah ee CXD ay ku wadaan ciribtirka Khawaarijta, si loo xaqiijiyo amni, xasilooni, iyo badbaado shacabka Soomaaliyeed.
