Dowladda iyo Culumada Soomaaliyeed oo u midoobay sidii loo ciribtiri lahaa fikirka gurracan ee xagjirka

Date:

Muqdisho-(SNTV)-Shirka Dowladda Federaalka Soomaaliya iyo Culimaa’udiinka Soomaaliyeed oo lagu gorfeynayo sidii loo ciribtiri lahaa fekerka gurracan ee xagjirnimada iyo waafajinta dowladnimada ayaa waxaa baaqyo mideysan kasoo jeediyay madaxda dowladda iyo Culimadii kasoo qeyb gashay kulanka.

Madaxweynaha JFS mudane, Xasan Sheekh Maxamuud ayaa culimada u sheegay inuu ka rajeynayo in dadka loo bayaaniyo waxa ay shareecada Islaamku ka qabto dagaalka lagula jiro khawaarijta.

Madaxweynaha ayaa sidoo kale usoo jeediyay Culimada in ay dowladda siiyaan talooyin ku aaddan ka mira dhalinta la dagaallanka xagjirka iyo in la dhiso Hay’adda Culimada Soomaaliyeed, taas oo ka mid noqoneysa Hay’adaha ugu muhiimsan Dawladda, una xilsaaran ilaalinta diinta Islaamka iyaga oo wakiil uga ah Dawladda.

Sheekh Cismaan Usuuli oo ka mid ah Culimaa’udiinka Soomaaliyeed ayaa sheegay in ay qaadanayaan soo jeedinta madaxweynaha mar walbana ay u taagan yihiin bayaaninta xaqa, haddii ay ka gaabiyaanna maalinta qiyaamo lagula xisaabtamayo.

Sheekh Cismaan Usuuli” dagaalka aan ku jirno waa mid xaq ah, Xaqa inaan caddeyno ayaan halkaan u joognaa, haddii aanaan caddeyn wallaahi waa nala weydiinaa”.

Sheekha ayaa sidoo kale sheegay in mideynta dowladnimada iyo diintu ay tahay mid wanaagsan, laguna daro dastuurkeenna mad-habta ay Soomaalidu haysato, dadkana loo fasiro waxyaabaha looga shaki gelinayo fahamka toosan.

Sheekh Maxamed Al Qudubi, ayaa ku baaqay in dagaalka Khawaarijtu ee dhanka Culimada uu noqdo mid ficil ah, haddii kale aan halkaa laga dhaqaaqi doonin.

”Dagaalka Khawaarijtu waa inuu ficil naga noqdaa, haddii kale halkaan ka dhaqaaqi meyno, waa halka qolo ee lagu murmo khawaarijtu ma islaambaa mise waa gaalo”

Share post:

Ugu Akhris badan

Kuwo kale
Kuwo kale

Ciidamada Xoogga Dalka oo fuliyay howlgal qorsheysan

Ciidanka Xoogga Dalka ayaa maanta ka fuliyay howlgal qorsheysan...

Guddiga Hubinta iyo Ansixinta Golaha Wakiilada Maamulka Waqooyi Bari oo la magacaabay

Wasiirka Wasaaradda arrimaha gudaha, federaalka iyo dib-u-heshiisiinta xukuumadda Soomaaliya...

Duqa Muqdisho oo xilka u kala wareejiyay Guddoomiye kuxigeenka Cusub Howlaha Guud ee Gobolka Banaadir iyo kii hore

Guddoomiyaha Gobolka Banaadir ahna Duqa Magaalada Muqdisho Dr. Xasan...

Guddoomiyaha Gobolka Banaadir oo deeq lacageed ku wareejiyay Hay’adda SoDMA

Guddoomiyaha Maamulka Gobolka Banaadir ahna Duqa Magaalada Muqdisho, Dr....