Argagixisada Al-Shabaab ayaa xalay qarax la beegsatay gaari ay la socdeen dad shacab ah, xilli uu marayey degaan lagu magacaabo Aqaboy oo u dhow degaanka Bukh-aqable ee koonfurta gobolka Hiiraan oo hoos taga degmada Buulo-burde.
Sida ay Warbahinta Qaranka u xaqiijiyeen weriyaasha gobolkaas 5 qof oo nabadoono u badan ayuu haleelay qaraxaas oo ahaa miino wadada la geliyey, waxaana goobta ku geeriyootay 4 qof, halka qofkii kale dhaawac daran goobta looga qaaday.
Dadkaan aan waxaba galabsan ee arxan laaweyaasha Al-Shabaab ay qaraxa ku dileen ayaa kala ah:
1- Nabadoon Yuusuf Fiidow Faarax
2 – Wiilkiisa Ibraahim Yuusuf Fiidow
2- Nabadoon Mukhtaar Xaaji
4- Iyo Nabadoon Xasan Xuseen Lugayare.
