-Ciidamada Xoogga dalka ayaa howlgallo lagu baacsanayo maleeshiyaadka argagixisada Al-Shabaab, ka wado degaanno ka tirsan Gobalka Hiiraan, ayaa cagta mariyay goobahii ay kaga dhuumaleeysanayeen degaanka Qabno ee hoostaga degmada Matabaan.
Ciidamada ayaa ka war helay in maleeshiyaadka argagixisada ay isku aruursanayeen degaanka Qabno, waxaana halkaas argagixisada looga dilay Toban kamid ah argagixisada, halka tiro intaas ka badana looga dhaawacay.waxana ciidamadu ay la waregeen degaanno ay kamid tahy Garmcadde,Beer gadiid, xawaale gacameey iyo degaanno kale halkaa oo argagixsada ay dadka shacka ah ku dhibateen jireen.
Ciidamada kumaandooska Danab oo kaashanayo kuwa marekanka ay sidoo kale duqeeyn xalay ay ka fuliyeen degaan u dhow Hees oo ay sida la sheegay argagixisadu isku aruursaneysay,iyadoo halkaa lagu dilay 40-katirsan maleeshida Al-shabaab halka tira inta ka badana looga dhaawcay
Saraakiisha guutada 5-aad, qeybta 27-aad ee Ciidanka Xoogga dalka ayaa sheegay inay ka go’an tahay inay Al-Shabaab ka sifeyaan degaannada u dhaxeeya degmooyinka Maxaas iyo Matabaan ee Gobolka Hiiraan, halkaas oo beryahii ugu danbeeyay ay howlgallada ka socdeen.
Guddoomiyaha Gobolka Hiiraan Cali Jeyte Cismaan, oo qeeyb ka ah hoggaanka howlgallada ay Ciidamada ka wadaan inta u dhaxeeysa Matabaan iyo Maxaas, waxaana intii ay socdeen howlgalada lagula wareegay dhowr degaan oo ay horay ugu sugnayeen maleeshiyaadka Al-Shabaab.
