Howlgal Qorsheysan oo uu Hogaaminayo Taliyaha Ciidanka Dhulka Xooga Dalka Soomaaliyeed Generalka Maxamed Tahliil Biixi ayay Ciidamada Xooga Dalka waxay ka sameeyeen Deegano hoos taga deegaanka Maro-Cade ee Gobolka Shabelada iyadoo halkaasi ciidamadu ay ku qabteen Horjoogayaal iyo Maleeshiyaad ka tirsan Argagixisada Alshabaab.
Ciidamada Xooga Dalka intii ay Howlgalka Qorsheysan ku guda jireen waxeey dhaamanba burburiyeen goobihii Maleeshiyaadka Alshabaab gabaadka u ahaa oo ay ka mid ahayd meel maxkamad beenaad ahayd iyo xarumo ay ku aruurin jireen Lacagaha baada ah ee dadka shacabka ka qaadi jireen.
Dadka ku dhaqan deegaanka Maro-cade ayaa Nabadiidka Alshabaab ku qabay dhibaato aad u faro badan.
General Maxamed Tahliil Biixi Taliyaha Ciidanka Dhulka Xooaga Dalka Soomaaliyeed oo goob fagaara ah kula Hadlay Dadka Deegaanka ee halkaasi ku dhaqan ayaa u sheegay in aan ciidanka xooga dalka Soomaaliyeed aysan waxbo ka rabin balse ay ka dul qaadayaan heeryada Cadawga islamarkaana ay diidanyihiin in Alshabaab dhaqaalo ka aruursadaan shacabka dhibaarada baahsan la tacaalaya.
“Anaga Xoolo idinkama Rabno Sako idinka qaadi meyno Lacag Idinka Qaadi mayno Baad idinka Qaadi mayno mida adinka laydinka qaado ayaa rabnaa in aan idiin baajino oo aad haysataan, Shabaab Waa ay burbureen Diin iyo NIdaam Dowladnimo midna ma wadaan ee waa Dhaqaalo boob Dhaqaalaha la doonayo adinka jaabkiina ayuu ku jiraa kaas ayaa loo jeedaa anaguna kaas ayaa dooneynaa in aan idiinka celino” ayuu yirj Taliyo Biixi.
Taliyaha ayaa intaasi ku daray in Deegaanadan ay heli lahaayeen Adeegayada Waxbarashada Caafimaadka iyo Hormar balaaran balse waxaa u diiday waa Argagixisada Alshabaab oo dhibaatada ku haayo Umada Soomaaliyeed.
Ugu Dambeyntii Deegaanka Maro-cade oo u dhaxeeyo Dhula Dhoobeyda iyo Xeebta ee Gobolka Shabelleda Hoose ayuu General Maxamed Tahliil waxaa uu ku booriyay Shacabka Deegaanka in aysan ogaal doonin in Qasab iyo sandul mar dambe wax looga qaado.
