Xafiiska Wasiirka Warfaafinta

 Waxqabadka Xukuumadda

Mogadishu-10/01/2018 –

 Wasiirka Warfaafinta Mudane Cabdiraxmaan Cumar Cismaan (Eng. Yarisow)

ayaa ka warbixiyey horumarka Dowladda ee usbuucii la soo dhaafay 04-–10 Jan 2018.

 Guddoomiye Jawaari Oo Kullan Dhiira Gelin Ah La Qaatay Howlwadeenada Golaha Shacabka

04/01/2018-Ujeedka Kullanka Maanta Guddoomiyaha Golaha Shacabka Mudane Maxamed Sheekh Cusmaan Jawaari uu la qaatay Howlwadeenada Golaha shacabka ee Baarlamaanka Dalka ayaa waxaa uu ahaa dar dar gelinta howlaha shacabka iyo sidii loo wada shaqeyn lahaa. kulanka oo ka dhacay xarunta Golaha shacabka ayaa qaar ka mid ah howl wadeenada Golaha Shacabka oo kulanka ka hadlay waxa ay Gudoomiyaha Golaha Shacabka uga warbixiyeen howlaha shacabka uu ummadda  u hayo, xaaladaha ay ku suganyihiin guud ahaan howl wadeenada Golaha Shacabka ,waxayna sidoo kale Guddoonka Golaha ay ku amaaneen hogaankiisa Wanaagsan.

 Wasiirka Waxbarashada Xfs Oo Tababar Aqoon Kororsi Ah Ufuray 25 Macalimiin

06/01/2018-Wasiirka Waxbarashada Hidaha iyo Tacliinta Sare ee Xukuumadda  Federaalka  Soomaaliya  Mudane Cabdiraxmaan Daahir Cismaan ayaa maanta Siminaar Socon doona shan malmood ugu  furay magaalada muqdisho 25 macalimiin oo ka kala yimiid Gobollada Dalka iyo gobolkan Banaadir. Siminaarkan ayaa lagu bixinayaa Casharo la Xariira Maamulka ,maareynta iyo qorsheynta tayo dhowrka Waxbarashada oo la siin doono guddoonada iyo kormeerayaasha Waxbarsho.

Wasaaradda Qorsheynta Oo Furtay Shirka Sahanka Caafimaadka Iyo Macluumaadka Dadka.

07/01/2018-Sahanka Caafiimadka dalka iyo macluumaadka dadka Soomaaliyeed ayay Wasaaradda Qarsheynta dowladda Federaalka agaasinkeeda Xogaha Qaranka maanta ku qabtay magaalada Muqdisho. Shirkaasi oo ay ka qeybgaleen Masuulayiin ka socota Wasaaradaha Dowladda Federaalka iyo Hey’adaha hoos yimaada dowlada, waxaana goob joog ka ah Madaxa sare ee Wasaaradda Qorsheynta dowladda federaalka.

Wasiiradii La Magacaabay Oo Xilalkoodii Loo Dhaariyey.

07/01/2018-Waxaa maanta si rasmi ah loo dhaariyaya sedexdii Wasiir oo u dhawaan magacaabay R/Wasaaraha Xukuumadda Federaalka Soomaaliya Mudane Xasan Cali Khayre,kuwaasi oo lagu hor dhaariyay kulanka guddiga Joogtada aha ee Golaha Shacabka. Munaasbaadda dhaarinta ah waxaa goob joog ka ahaa guddoonka Golaha Shacabka iyo Ra’iisul Wasaare kuxigeenka Dalka Mudane Mahdi Maxamed Guuleed Khadar,waxaana lagula dardaarmay dhaarintooda ka dib in ay si hufan u gutaan waajibaadka qaran ee horyaala.

Madaxweynaha Jfs Iyo Madaxweynaha Puntland Oo Daah-Furay Garoonka Garoowe.

08/01/2018- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo Madaxweynaha Dowlada goboleedka Puntland Mudane Cabdiwali Maxamed Cali Gaas ayaa si wada jir ah maanta oo Isniin ah u Daah-furay garoonka diyaaradaha ee Janaraal Maxamed Abshir Muuse ee magaalada Garoowe. Munaasabadda oo hadda si toos ah ugu socota Magaalada Garoowe ayaa waxaa ka qeyb-galaya Madax ka kala socota Dowladda Federaalka Soomaaliya ,puntland, Beesha Caalamka iyo Marti sharaf kale.

 Madaxweyne Farmaajo Oo Xarigga Ka Jaray Garoonka Caalimiga Ah Ee Garoowe.

08/01/2018-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa xariga ka jaray Garoonka caalamiga ah Jeneraal Maxamed Abshir Muuse ee magaalada Garoowe, kadib munaasabad ka dhacday Garoonka dhexdiisa. Munaasabadda lagu daahfurayey Garoonka cusub waxaa kasoo qeybgalay, Madaxweynaha Jamhuuriyadda Federaalka Soomaaliya, Madaxweynaha Dowlad Goboleedka Puntland, Madaxweyne ku-xigeenka Dowlad Goboleedka Puntland, Guddoomiyaha Baarlamaanka Puntland, Xildhibaanno katirsan Baarlamaanka Federaalka iyo Aqalka sare, Xildhibaanno ka tirsan Baarlamaanka Dowlad Goboleedka Puntland, Wasiirro heer Federaal iyo kuwo Dowlad goboleed, marti, masuuliyiin iyo qeybaha kala duwan ee bulshada.

 Wasaaradda Caafimaadka Xfs Oo Soo Gabagabeysay Talaalka Caruurta Ee Cudurka Jadeecada.

09/01/2018-Wasaaradda Caafimaadka ee Xukuumadda Federaalka Soomaaliya ayaa maanta magaalada garoowe ku soo gabgabeysay Olole muddo shan maalmood ah socday oo caruurta da’deedu u dhaxeyso 6- 10 Sano looga talaalayay cudurka dilaga ah ee Jadeecadda.Tirada Guud oo caruurta Soomaalida ee Cudurkan lagu daaweynayo ayaa lagu qiyaasay2-4 milyan oo ku kala baahsan Goboada dalka oo dhan.

 Wasiirka Gaashaandhigga Soaamaaliya Dadaal Weyn Uu Sameeyey Ka Dib Laguwareejiyey  Lix Gaari Oo Nooca Aan Xabada Karin Ah

09/01/2018- Wasiirka Gaashaandhigga Xukuumadda Federaalka Soomaaliya Mudane Maxamed Mursal Sheekh C/raxmaan ayaa maanta guddoomay 6 gaari oo  nooca aan Xabadda Karin ah, kuwaasi oo loogu talagalay in lagu qabto howlaha Wasaaradda. Gaadiidkani ayaa Wasaaradda ugu deeqday Waaxda Arrimaha Dibadda ee Mareykanka, waxaana munaasabad kooban oo uu Wasiirku ku guddoomayay Gaadiidkaasi lagu qabtay xarunta Wasaaradda Gaashandhiga, taasi oo ay goob joog ka ahaayeen wafdi ka socda Waaxda Arrimaha Dibadda ee Mareykanka.

 Madaxweyne Farmaajo Oo Dhagax Dhigay Waddo Laami Ah Oo Isku Xiri Doonta Dangoronyo & Eyl

10/01/2018- Madaxweynaha jamhuuriyada Federaalka Soomaaliya Mudane Maxamed Cabdulaahi Farmaajo iyo Madaxweynaha Dowlad Gobaleedka Puntland Cabdi weli Maxamed Cali Gaas ayaa si wadajir u dhagax dhigay waddo laami ah oo isku xiri doonta Dangoronyo iyo degmada Eyl ee Gobalka Nugaal. Wadadan laamiga ah ayaa anfici doontaa shacabka Gobalka Nugaal oo baahi weyn u qabay, waxayna soo dhaweeyeen Talaabadan hormarka oo hore loo qaaday.

Wasiirka Warfaafinta Oo Xarigga Ka Jaray Xarunta Tubta Toosan.

10/01/2018-Xafiiskan cusub oo uu wasiirka wasaarada warfaafinta iyo dhaqanka iyo dalxiiska xariga ka jarey ayaa noqon doona mid ka shaqeeya wacyi galinta bulsha iyo sidii dadka soomaaliyeed si fudud baraha casriga ah ee bulshada loogu gaarsiin lahaa wararka iyo barnaamijiyada warbaahinta dowladu baahiso.Xafiiskan ayaa  loogu  magac daray Tubta toosan inuu Noqon doono mid ka shaqeeya Howlaha Warbaahinta Casriga ee Arrimaha Wacyigelinta Dhibaatada Xagjirnimada  iyada oo lagu bartilmaameedsanayo dhallinyarada iyo bulshada qeybaheeda kala duwan, waxaana ka shaqeynaya dad loo soo xulay shaqadan oo xirfadyahano ah.

Wasaaradda Warfaafinta, Dhaqanka Iyo Dalxiiska

media@gov.so

Agaasimaha guud ee wasaraada warfaafinta dowlada xukuumada soomaaliya mr Cabdiraxmaan yuusuf sheikh al cadaala ayaa shegeey tiro xirfad yahano ah iney ka howlagali doonaan xafiiskana oo lagu soo biiriyey wasaarasda
Wasiirka wasarada warafaafinta iyo dhaqanka iyo dalxiiska cabdiraxmaan cumar cismaan yariisow oo xariga ka jarey xaruntan ayaa sheegey wacyi galinta bulshada iney xooga saareyso wasarada warfaafinta iyo sidii dowlada soomaaliyeed shacabka isku xigkooda looga shaqeyn lahaa
Wasarada warfaafinta ayaa u taagan wacyi galinta bulshada soomaaliyeed iyo hanuuninta dadweynaha waxa uuna xafiskani joogteyn doonaan sidi wacyiga bulshada loo dhisi lahaa.

Sugaal Macalin.

Guddoomiye Jawaari ayaa hambalyo iyo bogaadin u diray mas’uuliyiinta iyo ciidamada Hay’adda nabad sugidda iyo sirdoonka Qaranka Soomaaliyeed,isagoo ku ammaanay waxqabadkooda,islamarkaana xusay in ay tahay hay’ada muhiimad gaar ah u leh dalka.

“Waxaan Hambalyo Leeyahay Hay’adda Sirdoonka iyo Nabad sugida Qaranka Soomaaliyeed NISA oo u dabaal dagaya Xuska Sanadguuraddii 48aad ee kasoo wareegtay markii la aas-aasay sanadkii 1970, Howsha adage e qaranka aad u heysaan Alle ha idinla garab galo” ayuu yiri guddoomiye Jawaari.

Sidoo kale Guddoomiye kuxigeenka 2-aad ee Golaah SHacabka Mudane Mahad Cabdalla Cawad ayaa Hambalyo u diray Hay’adda Sirdoonka iyo Nabad sugida qaranka Soomaaliyeed ee NISA oo u dabaal dageysa Xuska Sanadguuraddii 48aad ee kasoo wareegtay markii la aas-aasay Hay’addaasi oo ku beegan Sanadkii 1970-kii.

Ra’iisul Wasaaraha Soomaaliya Mudane Xasan Cali Khayre ayaa oo hadal k ajeediyay munaasabadda ayaa ammaanay dowrka Hay’adda Nabad Sugidda iyo Sirdoonka Qaranka.

“Xukuumadda Soomaaliya waxay xoojinaysaa 2018 howlaha muhiimka ah oo ay haysay Hay’adda Nabad sugidda iyo Sirdoonka Qaranka,oo miisaaniyadda loogu daray qarash lagu xoojinayo Sirdoonka”,ayuu yiri Ra’iisul Wasaare Kahyre.

Mas’uuliyiinta kale oo u hambalyeyeysay Hay’adda Nabad Sugidda iyo Sirdoonka Qaranka waxaa kamid ah Wasiirka amniga Maxamed Abuukar Islow Ducaale,Wasiir kuxigeenka C/naasir Siciid,Taliyaha Ciidanka Xooga Dalka S/Gaas C/weli Jaamaca Xuseen(Gorod) iyo Agaasimaha Hay’adda Socdaalka iyo Jinsiyadda Col. Maxamed Aadan Koofi kuwaasi oo dhamaantooda ammaanay waxqabadka iyo kaalinta ay dalka ku leedahay Hay’adda Nabad Sugidda iyo SIrdoonka Qaranka Soomaaliyeed.

Hay’adda Sirdoonka iyo Nabad sugida qaranka Soomaaliyeed ee NISA, ayaa kamid ah Ciidammada qalabka sida ee Soomaaliyeed, waxaana lagu xasuustaa in ay ku guuleysatay soo afjarida dhacdooyin dhowr ah oo lagu dabar goynayo Maleeshiyada Kooxda Alshabaab ee laga itaalka roonaaday.

Axmed Ciise Cawad Wasiirka cusub ee Wasaaradda arrimaha Dibadda Xukuumadda Soomaaliya ayaa ballanqaaday inuu horumarinayo Wasaaradda , dalka iyo dadkana ugu adeeggi doono si ay ku jirto nafhurid iyo daacadnimo.

Hadalkani ayuu ka jeediayay Xafladda xil wareejinta oo ay goob joog ka ahaayeen Ra’iisul wasaare kuxigeeenka Jamhuuriyadda Federaalka Soomaaliya H.E. Eng. Mahdi Ahmed Guled, Wasiiru dowlaha Wasaaradda Arrimaha Dibadda iyo Iskaashiga Caalamiga H.E. Mr. Abdulkadir Ahmed-Kheir Abdi, Wasiir kuxigeenka Wasaaradda Arrimaha Dibadda iyo Iskaashiga Caalamiga H.E. Mr. Mukhtar Mahad Daud, Wasiiru dowlaha Xafiiska Ra’iisul wasaaraha H.E. Mr. Abdullahi Hamud, Xildhibaanno ka kala tirsan Aqalka hoose iyo Aqalka sare, Wasiiru dowlihii hore ee Arrimaha Dibadda iyo Dhiirigelinta Maalgashiga H.E. Mr. Khaled Omar Ali, Saraakiil amni, Danjireyaal, Diblomaasiyiin, Agaasimeyayaasha waaxyaha iyo howlwadeennada kala duwan ee Wasaaradda Arrimaha Dibadda iyo Iskaashiga Caalamiga.

Hadal uu madasha ka jeediyay Wasiirkii hore ee Arrimaha Dibadda iyo Iskaashiga Caalamiga H.E. Amb. Yusuf Garaad Omar Ahmed ayuu ku tilmaamay Wasiirka cusub ee uu xilka ku wareejinayay saaxiib ay wadashaqeyn dhow ay kala dhexeysay, kana tirsan bahda Arrimaha Dibadda, waxaanu u rajeeyay inuu guullo ka gaaro howlaha qaran ee loo igmaday.

Danjire Yuusuf Garaad Cumar Axmed ayaa xusay in dadaallo ballaaran oo uu sameeyay iyo talo jeedinno uu bixiyay oo ku saabsan fulinta sharciga shaqaallaha dibadda ay noqdeen kuwa aan wax ka soo qaad lahayn, waxaanu Wasiirka cusub kula dardaarmay in si loo helo kaadir diblomaasi oo tayo iyo aragti dheer leh la tixgeliyo dadka ehelka u ah howlaha diblomaasiyadda, dibna loo eego tirada shaqaalaha iyo howlaha shaqo ee loo baahan yahay si ay isku dhigmaan.

Danjire Yuusuf Garaad ayaa hadalkiisa waxa uu intaa sii raaciyay muhiimadda ay leedahay in tiro ku dhow 50 dal lala furo xiriir diblomaasiyadeed, iyada oo la balaarinayo matalaadda safiirrada hadda shaqeeya oo ka wakiil noqonaya dalal kale oo la ood wadaag ah dalka ay sida rasmiga ah u degan yihiin.

Wasiirkii hore ee Arrimaha Dibadda iyo Iskaashiga Caalamiga ayaa ku sifeeyay diblomaasiga mid aan ka shaqa yareyn askariga hubeysan ee damaacinaya inuu dalaco, gaaro darajada Sarreeye Guud, halka diblomaasigu ku shaqeeyo qalin iyo maskax la tuujiyay, kuna dadaalo sidii uu ku gaari lahaa darajada Safiir, isaga oo xusay in socdaallo miradhal noqday oo uu ku kala tagay wadamada India iyo Seychelles ay horseedeen siideysmada iyo u doodidda muwaadiniin Soomaali ah oo lagu eedeeyay burcad badeednimo.

Dhankiisa, Danjire Axmed Ciise Cawad, Wasiirka cusub ee Arrimaha Dibadda iyo Iskaashiga Caalamiga ayaa ammaannay dhiirannaanta Wasiirkii hore Danjire Yuusuf Garaad, oo uu ku tilmaamay mas’uul u diyaar ah inuu u adeeggo dalkiisa iyo dadkiisa, isagoo xusay inuu latashiyo la sameyn doono, kana faa’ideysan doono khibraddiisa iyo waaya-aragnimadiisa.

Ra’iisul wasaare kuxigeeenka Jamhuuriyadda Federaalka Soomaaliya Mudane, Mahdi Axmed Guuleed, oo sheegay in xiriirka diblomaasiyadeed ee Soomaaliya uu sii hanaqaadday, lagana rajeynayo Wasiirka cusub inuu dardargeliyo jiheynta Siyaasadda Arrimaha Dibadda iyo ka guul keeniddeeda.

Madaxweynaha Puntland, C/wali Maxamed Cali Gaas oo ugu horeyn ka hadlay Munaasabada daah furka Garoonka diyaaradaha magaalada Garowe ayaa sheegay in mudo ay ku taamayeen iney helaan Garoon caalami ah oo laga hirgeliyo Garowe oo hadda caasimad u ah maamulka Puntland,islamarkaana ku suurta gashay isku tashi dadweynaha iyo Dowlad Goboleedka Puntland ah.

Wuxuu madaxweynaha Puntland Mr. Gaas uu sheegay in Dowladda Federaalka looga baahan yahay dhameystirka Garoonka iyo iney daboosho baahida loo qabo adeega tababarada,qalabka iyo baahiyaha kale ay qabaan shaqaalaha Garoonka diyaaradaha magaalada Garowe ee xarunta maamulka Puntland.

Madaxweynaha Janhuuriyadda Federaalka Soomaaliya Mudane Maxamed C/llaahi Farmaajo oo soo xiray Munaasabada ayaa sheegay in marka hore maamulka Puntland uga mahad celinayaan horumarka dhanka dumuqraadiyada ay ku tallaabasadeen,wuxuuna ku amaanay dadaalka ay geliyeen sidii loo heli lahaa Garoon caalami ah oo la jaan qaada Garoomada kale ee caalamka oo laga hirgeliyo magaalada Garowe.

Waa Garoonkii labaad oo laga hirgeliyo Puntland,waxaana Garoonka diyaaradaha Garowe ee maanta xariga uu ka jaray madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo loogu magacdaray Generaal Abshir Maxamed Muuse oo qeyb ka ahaa saraakiishii Ciidamada Puntland.

Madaxweyne Farmaajo iyo wafdigiisa waxaa garoonka ku soo dhoweeyay Madaxweynaha Dowlad Goboleedka Puntland Mudane Cabdiweli Maxamed Cali Gaas, Madaxweyne Ku Xigeenka Puntland Mudane Cabdixakiim Cabdullaahi Xaaji Camey, Guddoomiyaha Barlamaanka Dowlad Goboleedka Puntland Mudane Axmed Cali Xaashi, masuuliyiin ka tirsan Dowlad Goboleedka Puntland iyo shacabka magaalada Garoowe.

Madaxweynaha oo meel fagaare ah kula hadlay dadweynihii isu soo baxay ayaa uga mahadceliyay sida diirran ee ay isaga iyo wafdigiisa u soo dhaweeyeen.

“Waxaan u imid inaan arko xaaladda halkan ka jirta, ayna ugu horreyso inaan nabadda xoojinno oo ka shaqeyno dib-u-heshiisiinta, waxaana jeclahay inaan tago dhawr magaalo oo aan la kulmo cuqaasha, aqoonyahanka, bulshada rayidka ah iyo ardayda Jaamacadaha.” Ayuu yiri Madaxweyne Farmaajo oo shir jaraa’id ku qabtay Xarunta Madaxtooyada Puntland.

Sidoo kale, Madaxweynaha Jamhuuriyadda ayaa guddoomiyay shirka todobaadlaha ah ee Golaha Xukuumadda Puntland oo lagaga hadlay arrimaha amniga iyo horumarinta dhaqaalaha, waxa uuna warbixinno ka dhageystay xubno ka mid ah Golaha Wasiirrada Puntland.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa socdaalkan oo qaadan doona dhawr maalmood waxa uu ku mari doonaa qeybo kamid ah deegaannada Puntland si uu ugu kuur galo nolasha iyo baahiyaha dadka ku dhaqan gobolladaas.

DHAMMAAD

Wixii faahfaahin ah, fadlan kala xiriir
Cabdinuur Maxamed Axmed
Agaasimaha Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail:media@presidency.gov.so

Ammaanka magaalada ayaa siweyn loo adkeeyey,iyadoo xafaldda xarig jarka lafilayo in goor dhow ay ka bilaabato halkasi,boqolaal dadweynaha ku dhaqan magaalada Garoowe, mas’uuliyiinta Puntland iyo marti sharaf kale ayaa qeyb ka ah munaasabadda xarig jarka ah.

Wadooyinka magaalada Garoowe waxaa lagu arkayaa ciidamo farabadan oo amniga sugaya,sidoo kale waxaa waddooyinka ku xardhan boorar ay ku dhajisanyiin sawirka madaxweynaha JAmhuuriyadda Soomalaiya taasi oo qeyb ka ah soo dhaweynat madaxweynaha.

Madaxweyne Farmaajo ayaa socdaalkiisa wuxuu qaadan doonaa muddo maalmo ah,isagoo booqan doona magaalooyin kale oo ka tirsan maamulada Puntalnd iyo Galmudug.

Shirkan waxaa ka qeyb galay Madaxweynaha dowlad Goboleedka Puntland Mudane Cabdiweli Maxamed Cali Gaas, Mudane Cabdixakiin Cabdullaahi Xaaji Camey Madaxweyne ku xigeenka Puntland iyo Wasiirro ka tirsan Golaha Xukuumadda Federaalka Soomaaliya.

Qodobada shirkan lagaga hadlay ayaa waxaa ka mid ah xoojinta amniga,horumarinta kaabayaasha dhaqaalaha, xoojinta wada shaqeynta Dowlada Federaalka Somaliya iyo Dowlada Goboleedyada Dalka iyo horumarinta adegyada bulshada.

Madaxweynaha Jamhuuriyadda Federaalka Soomaaliya oo warbixino ka dhageystay xubno ka mid ah Golaha Wasiirradda ee Puntland ayaa sheegay ahmiyadda ay leedahay in la sii xoojiyo xiriirka iyo wada shaqeynta hay’adaha heer Federaal iyo heer dowlad Goboleed.

Sidoo Kale, Madaxweynaha waxaa uu u shegay masuuliyiinti ka qeyb galaayey shirka in ay qaataan masuuliyadda ka saran dib u soo celinta midnimada iyo wada jirka Soomaaliya, lana yeesho wada shaqeyn dhab ah maadaama masuul kasta uu xil weyn ka saaran yahay samata bixinta shacabka Soomaaliyeed iyo in loo abuuro mustaqbal ka tarjumaya himilada iyo hanka shacabka.

Qaar ka mid ah xubnaha Golaha Wasiirrada Puntland ayaa Madaxweynaha Jamhuuriyadda Federaalka Soomaliya ka xog wareystay xaalada guud ee dalka iyo qorsheyaasha ku aadan horumarinta arimaha Bulshada heer Federaal.

Munaasbaadda dhaarinta ah waxaa goob joog ka ahaa guddoonka Golaha Shacabka iyo Ra’iisul Wasaare kuxigeenka Dalka Mudane Mahdi Maxamed Guuleed Khadar,waxaana lagula dardaarmay dhaarintooda ka dib in ay si hufan u gutaan waajibaadka qaran ee horyaala.

Wasiirada la dhaariyay ayaa kala ah,Eng. Cabdi Maxamed Sabriye Wasiirka arrimaha Gudaha,Axmed Ciise Cawad Wasiirka arrimaha dibadda iyo Maxamed Cabdi Xayir Maareeye Wasiirka Ganacsiga iyo Warshadaha,kuwaasi oo dhawaan lagu magacaabay degreeto ka soo baxday xafiiska Ra’iisul Wasaaraha Soomaaliya.

Dhanka kale Wasiirada ayaa maanta la kulmay Ra’iisul Wasaare Xasan Cali Khayre,iyadoo sidoo kale Wasiirka Arrimaha dibadda uu kulan salaan ah kula qaatay garoonka diyaaradaha Muqdisho Madaxweynaha JFS oo xiligaasi ku sii jeedey magaalada Garoowe.

Wasiirka Arrimaha dibadda Xukuumadda Soomaaliya Mudane Axmed Ciise Cawad oo maanta dalka soo gaaray ayaa waxaa garoonka ku soo dhaweyey mas’uuliyiin uu kamid yahay guddoomiyaha Gobolka Banaadir ahna Duqa magaalada Muqdisho.

Intii uu socday kullanka lagu soo dhaweynayey oo sidoo kale ay ka qeyb galeen Madaxda Kooxda Fanka ee Waabari iyo Faniiniintaba, ayaa waxaa ay ka sheekeeyeen xilliyadii kala duwaanaa ee ay soo mareen, waxaana ay sheegeen inay aad ugu hiloobeen dalkooda oo muddo badan banaanka ka joogeen.

C/kariim Faraax Qaarey Maareeye ku xigeenka Golaha Murtida iyo Madadaalada ee Tiyaatarka Qaranka ayaa sheegay in tani muhiim gaar ah u leedahay Wasaaradda Warfaafinta Soomaaliya.

Fanaanada Qaranka Faadamumo Cali Nagruuma ayaa dhankeeda sheegtay inay Muddo badan ku maqneyd dalka dibadiisa, balse aad ayay ugu faraxsan tahay inay maanta ku sugan tahay Xarunta Wasaaradda Warfaafinta ee Soomaaliya.

“Ujeeda aan u nimid halkaan waa in aan dadkeena tusno in dalkeenu nabad yahay, waxaana allah ka baryaa dalkeena oo wanaagsan iyo Soomaaliya oo dadkeedu iswada raacsan yahay”

Luul Cali Xasan Luula oo ka mid aheyd Hal-dooradii Radio Muqdisho ayaa sheegtay in aan marnaba farxadeeda la qiyaasi karin, ayna joogto meeshii ugu horreynteedii ay shaqo ka bilowday.

Wasiirka Warfaafinta, Dhaqanka iyo Dalxiisa C.raxmaan Cumar Cismaan oo soo dhaweeyey Fanaaniinta ayaa tilmaamay inay aad u soo dhaweynayaan Faaduma Nagruuma iyo Luul Cali Xasan, kuwaas oo muddo badan aanan arkin Soomaaliya, balse hadda jooga gaar ahaan Xaruntii ay ka howlgali jireen.

“Waxaan idinku soo dhaweynaa Wasaaradda Warfaafinta oo aad shaqo badan ka soo qabateen xilligii aad ka shaqeyn jirteen, waxaad soo marteen waqti badan aad u wanaagsan, balse waxaa dhacay dhibaato badan hadana waxaan ku soconaa waddadii aan kaga soo kabso laheyn, waxaana rajeyneynaa in aad qeyb ka qaadataan arrintaas.

intaas kadib Faadumo Cali Jaamac Nakruuma iyo Luul Cali Xasan Luula ayaa soo arkay qeybta Keydka ee Radio Muqdisho iyo qeybaha kale ee Radio Muqdisho iyo Tv-ga Qaranka.