Dhinaca kale, Wasaarada Arrimaha Gudaha, Federaalka iyo Dib uheshiisiinta Galmudug ayaa Golaha hor keentay hindise sharciyeed lagu dagmeynayo deegano ay wasaaradu ku sameysay daraasad, soona buuxiyay shuruudaha degmanimo oo kala ah
1- Dhabad
2- Galinsoor
3-Bandiiradley
4- Afbarwaaqo
5- Ceelguula.
Dood iyo falanqeyn dheer kadib, Golaha Wasiirada ayaa cod u qaaday ansaxinta degmooyinka kor ku xusan, ayadoona lagu ansixiyay cod aqlabiyad oo gacan taag ah.

Kulanka oo ay ka qeyb galeen Gudoomiyaha Gobalka mudug Axmed xuseen shire Bukhaari qaar ka mida odayaasha dhaqanka beelaha gobalka mudug iyo xubno ka socday bulshada qeybahooda kala duwan ayaa waxaa ugu horeyn ka hadlay Suldaanka Guud ee Beesha Sacad Suldaan Cabdinaasir Jaamac Seed waxaana uu ka warbixiyay ujeedka kulanka iyo howsha adag ee. hortaala bulshada Gobalka mudug oo uu xusay in qof kasta uu xil ka saaran yahay bad baadada dalka iyo xoreynta dhiigyo cabyada ma naxayaashaa ee khawaarijta Argagixisada Al shabaab

Kulanka ayaa intii uu socday waxaa iyaguna ka hadlay Qaar ka mida odayaashii dhaqanka iyo xubnihii ka socday ururada bulshada kuwaa oo bogaadiyay howlgallada sifeeynta khawaarijta ee ka socda dalka iyagoona ka dhawaajiyay in bulshada gobalka mudug horay ay door muhiim ah uga qaateen dagaalka lagula jiro khawaarijta haddana ay diyaar u yihiin in ay doorkooda uga qaataan naf iyo maal.

Gudoomiyaha Gobalka mudug Axmed Xuseen shire Bukhaari ayaa ugu danbeyn kulan ka hadlay waxaana uu sheegay in xiligaan ay tahay waqtigii ay soo afjarmi lahaayeen Khawaarijta Al shabaab bulshada gobalka mudugna ay ahaayeen waligood dad aan marnaba ogalaan gumeysiga iyo fikirka aan diinta islaamka wax raada ku laheyn ee argagixisada sidaa darteedna ay u diyaar yihiin shacabka gobalka mudug garab istaaga ciidamada qaranka ee ku howlan ciribtirka Kooxda naf la caarigaa ee gabalkoodu sii dhacayo ee khawaarijta Argagixisada Al shabaab

Gudoomiyaha Gobalka mudug Axmed xuseen shire u Bukhaari ayaa uga mahad celiyay qabashada kulanka suldaanka guud ee beesha sacad Suldaan Cabdinaasir Jaamac Seed oo uu xusay inuu yahay shaqsi u hogaamin kara bulshada wadada lagu sifeynayo haraadiga nabadiidka al shabaab..

Gaashaanle dhexe Maxamuud Cilmi Gulaafe madaxa tababarada iyo qorshaynta Booliska Galmudug ayaa xusay ciidaankan oo 200 oo askari ka kooban ay qaateen koorsooyinka jireed ee ciidanka iyo sharciyada Boolisku ku shaqeeyo sida dambi baarista, la dhaqanka shacabka, xuquuqul insaanka iyo xeerarka madaniga ah ee dalka.

Guddoomiyaha degmada Cadaado Faarax Diiriye Warsame ayaa sheegay in ka degmo ahaan ay ku faraxsanyihiin ciidankan tababarka dhammaystay, kuwaas oo ka qayb qaadan doona xoojinta ammaanka deegaanka iyo ilaalinta sharciga.

Taliyaha Booliska Galmudug gaashaanle sare Khaliif Cabdulle maalin ayaa u mahadceliyey saraakiisha dugsiga tababarka, waxaana ay faray askarta tababarka dhammaysatay inay si ficil ah uga muuqato cilmigii la baray mudadii sadexda bilood ahayd ee ay dugsgan ku jireen.

Wasiirka amniga Galmudug Maxamed Cabdi Aaden Gaboobe ayaa xusay in ciidankan tababarka dhammaystay ay ku soo aaday waqti xasaasi ah oo Galmudug ay ku jirto dagaal ka dhan ah argagixisada.

Waa dufcadii 1-aad oo ka soo baxa dugsiga tababarka Booliska Galmudug ee degmada Cadaado, waxaana ciidamadan ay ka qayb qaadan doonaan xasilinta deegaanada laga saaray kooxda Al-shabaab.

Ra’iisul Wasaare Kuxigeenka Xukuumadda Federaalka Soomaaliya Mudane Saalax Axmed Jaamac, Wasiirka Waxbarashada Dowladda Federaalka Mudane Faarax Sheekh Cabdulqaadir iyo Wasiirrada Dowlad-goboleedyada dalka ayaa Madaxweynaha uga warbixiyey baahiyaha waxbarasho ee jira iyo sidii heerarka kala duwan ee dowladda iskaga kaashan lahayeen suurta-gelinta kordhinta fursadaha waxbarashada, manhajka iyo imtixaanaadka shahaadiga ah.

Madaxweynaha ayaa tilmaamay in ay ka go’antahah tayeynta iyo kordhinta fursadaha waxbarasho, tirada macalimiinta iyo xarummaha waxbarashada.

“Waxbarashadu waa xuquuq aasaasi ah oo tahay in caruurteennu ay helaan. Waxa ay nagu tahay waajib in aan u diyaarinno ubadkeenna Soomaaliyeed waxbarasho iyo mustaqbal anfaca dadkeena iyo dalkeena.”

Dowladda Federaalka Soomaaliya waxaa ka go’an dib u habeynta nidaamka waxbarashada dalka, iyada oo la hirgelinayo hindiseyaal lagu kordhinayo qoondada maaliyadeed ee waxbarashada, si ay fursaddo u helaan caruurta Soomaaliyeed ee gaaray da’da iskuulka iyo kuwa kale ee aan fursadaha helin una baahan tababarro dhanka xirfadaha ah.

Ciidamada Nabad Galyada wadooyinka Ayaa intii ay ku guda jiraan howlgalka waxaa ay gacanta ku dhigeen in ka badan 100 gaari oo isugu jira kuwa dadweynuhu raacaan ee ka dhax shaqeeya gudaha magaalada Galkacyo iyo kuwa waaweyn ee xamuulka ee isaga kala gudba goballada dalka ee marinkoodu isku xirku uu yahay magaalada Galkacyo

Taliyaha Ciidanka Nabad Galyada wadooyinka Gobalka mudug ee Galmudug Xidigle Shariif Cali Xarbi oo aan la kulmay intii ay ciidamadu ku guda jireen howlgalka ayaa warbaahinta Qaranka u sheegay in howlgalkaan uu qeyb ka yahay dadaalada la xariira sugida amniga iyo la dagaalanka argagixisada maadaama loo baahan yahay in si dhow loola socda dhaq dhaqaaqyada gaadiidka ka dhax shaqeeya gudaha magaalada iyo kuwa safarka ah ee soo gala ama ka baxa waxaana intaas uu ku daray in dhamaan gaadiidka ay ciidamadu soo qabteen ay yihiun kuwa aan wadan Warqadaha Aqoonsiga sharciyadeed iyo Taarikada DG Galmudug iyo Tan Dowlada Fadaraalka Soomaaliya sidaa Darteedna la marsiinayo sharciga

Ugu Danbeyna xidigle Shariif Cali Xarbi ayaa ka codsaday milkilayaasha Gaadiidka iyo Darawalladu in ay u hogaansamaan sharciga isla markaana ay isku soo diwaan galiyaan sida ugu dhaqsiyaha badan ciddii amarka Maamulka u hogaansami weysana talaabo sharciga waafaqsan laga qaadi doono

Dhalinyaradan oo mudooyinkii u dambeeyey soo gaarey xerada ayaa loo sameeyay fursado dhaqan toosin, waxbarasho iyo u abuurida xirfado ay kula midoobaan dadkooda kadib markii ay dhameystaan habraacyada barnaamijka ee lasiiyo shahaadada qalin jabinta.

Agaasimaha Guud ee Barnaamijka Qaran ee isisoo dhiibayasha ka soo goosto Alshabaab  Salaad Jilicow iyo Abdalla Ahmed Noor Agaasima kuxigeenka xarunta Muqdisho ee Serendi ayaa xerada MRC ee Dhuusamareeb ku yimid kormeer ujeedadiisu tahay ogaanshaha sida ay u shaqeyso xeradan oo Dhuusamareeb laga furay 2022.

Iyagoo soo dhaweeyay dhalinyarada ka timid fikirka qaldan ee Argagaxisada isla markaana xooga saarayey sidii loo balaarin lahaa howlaha dhaqancelinta Galmudug madaama ay dagaalo kufuran yihiin kooxda qowleysatada ah ee Alshabaab taasina sababtay in ay dhalinyaro badan oo ka faa’iideysanaya awood burburka kooxda ay iskasoo dhiibayaan xeryaha dhaqan celinta.

“Ka dowlad ahaan waxaan fursad walaalnimo, Soomaalinimo Iyo Dhalin yaro ahaanba siinaynaa cidkasta oo kasoo baxday fikirka Xaqjirka, waxaan dhisaynaa Nolasha isasoo dhiibayaasha, mana la kulmi doonaan wax Dhibaato ah” ayuu Yiri Agaasimaha Guud ee Barnaamijka Qaran ee isisoo dhiibayasha ka soo goosto Alshabaab  Salaad Jilicow iyo Abdalla Ahmed Noor

Dhalinyarada katimid fikirka xagjirnimada ee doortay in ay bulshadooda si nabdoon ula midoobaan ayaa xeradan ka helay waxbarsho, waxaana mid walba oo dhalinyarada ka mid ah la siiyaa duruus joogta ah oo ay wehliso barashada xirfad uu isagu doortay taasi oo noqoneysa tan uu noloshiisa ku maareysan doona marka uu dhameysto mudada dhaqan celinta sida uu sheegey Abdirahman Maxamed Cali agaasimaha xarunta MRC ee Dhuusamareeb.

Kororka tirada dhalinyarada Iska soo dhiibay deegaanada Galmudug ayay qayb weyn ka qaadatey tan iyo markii la furay xarunta dhaqan celinta isisoo dhiibayaasha maleeshiyadka ee MRC Dhuusamareeb, taasi oo iminka ay kujiraan dhalinyaro aad u badan oo badankood yimid bilihii u dambeeyey…