Sawiro – Somali National Television – sntv.so

Madaxweyne Xasan Sheekh oo ka qayb galay dabaal-daga 1-da Luuliya

Leyla Aden — Wed, 01 Jul 2026 13:29:52 +0000

Madaxweynaha Jamhuuriyadda Federaalka Soomaaliya, Xasan Sheekh Maxamuud ayaa ka qayb galay munaasabadda weyn ee xuska 66-guurada ka soo wareegatay maalintii taariikhiga ahayd ee 1-da Luulyo, oo ku beegan xorriyaddii Gobollada Koonfureed iyo midowgii labada gobol ee Waqooyi iyo Koonfur, taas oo saldhig u noqotay dhalashada Jamhuuriyadda Soomaaliya.

Madaxweynaha oo maamuusaya halyeeyadii Soomaaliyeed ee nafahooda u huray gobannimada iyo mideynta dalka ayaa ubax dhigay Taallada Daljirka Dahsoon, isaga oo xusay qiimaha ay leedahay in la xasuusto halgankii dheeraa ee shacabka Soomaaliyeed ay usoo galeen xorriyadda, midnimada iyo dowladnimada.

Munaasabadda oo si heer sare ah loo abaabulay ayaa waxaa gaarda ka ciyaar ku maray cutubyo ka tirsan Ciidamada Qalabka Sida ee Soomaaliyeed, kuwaasi oo soo bandhigay awooddooda iyo diyaar-garoow heer sare ah, iyadoo lagu soo bandhigay gaadiidka gaashaaman, qalab ciidan oo casri ah iyo diyaaradaha dagaalka, taasi oo muujisay horumarka ay dowladdu ka sameysay dib u dhiska iyo tayeynta ciidamada qaranka.

Madaxweyne Xasan Sheekh ayaa ugu hambalyeeyay shacabka Soomaaliyeed munaasabaddan qiimaha weyn ugu fadhida qarannimada, isaga oo ku adkeeyay muhiimadda ay leedahay ilaalinta midnimada, wadajirka iyo difaaca madax-bannaanida dalka si loo xaqiijiyo Soomaaliya amni leh, horumarsan oo ku dhisan isku filnaansho iyo dowladnimo buuxda.

Agaasimaha Guud ee Wasaarada Caafimaadka Galmudug oo soo xiray tababar ku saabsan cudurrada dhallaanka iyo carruurta

Fardowso Xasan Nuur — Fri, 02 May 2025 14:07:27 +0000

Dhuusamareeb, Soomaaliya – Agaasimaha Guud ee Wasaaradda Caafimaadka iyo Daryeelka Bulshada Galmudug, Mudane Dr. Abdiwali Mohamed Ahmed, ayaa magaalada Dhuusamareeb si rasmi ah ugu soo xiray tababar ku saabsan Maareynta Isku-dhafan ee Cudurrada ku dhaca Dhallaanka iyo Carruurta (IMNCI), kaas oo loo qabtay shaqaale cusub oo ka howlgala xarumaha caafimaadka ee uu taageero mashruuca COVID-19.

Tababarkan oo socday muddo afar maalmood ah ayaa diiradda lagu saaray kor u qaadidda aqoonta iyo xirfadaha howlwadeenada caafimaadka, iyadoo la baray habraacyada caalamiga ah ee maareynta iyo daaweynta cudurrada dhallaanka iyo carruurta.

Agaasimaha Guud ayaa munaasabadda xiritaanka tababarka ka jeediyay hadal dardaaran ah, isagoo ku booriyay ka qeybgalayaasha in ay si hufan ugu dabaqaan aqoonta ay barteen goobaha ay ka howlgalaan, isla markaana ay la wadaagaan shaqaalaha kale si loo ballaariyo faa’iidada tababarka.

Ugu dambeyn, Agaasimaha Guud ayaa guddoonsiiyay shahaadooyin ay ku mutaysteen ka qeybgalayaasha, taas oo muujineysa dhammaystirka tababarka iyo diyaar u ahaanshahooda in ay kaalin muuqata ka qaataan horumarinta adeegyada caafimaadka ee bulshada.

Wasiirka Cusub ee wasaaradda Arimaha Gudaha oo kormeer shaqo ku tahay Xarunta NIRA.

Muse Abdullahi Cirro — Sat, 20 Apr 2024 12:22:25 +0000

Wasiirka Wasaaradda Arrimaha Gudaha XFS Md. Cali Yuusuf Cali (Xoosh) oo ay wehliyaan Wasiir ku xigeenka Wasaaradda, Md. Cabdixakiim Ashkir, Agaasimaha guud ee wasaarada Md. Caydaruus Macalin iyo masuuliyiin kale oo Wasaaradda ka tirsan ayaa kormeer shaqo ku tagay Xarunta dhexe ee Hay’adda aqoonsiga iyo diiwaan galinta Qaranka (NIRA)

Socdaalkaan ayaa la xiriiray xog-waraysi, isbarasho iyo kormeer ku saabsan hanaanka iyo habsami u socodka shaqada diiwaangelinta Dadweynaha.

Maareeyaha Hay’adda Aqoonsiga iyo Diiwaangelinta Qaranka (NIRA) mudane Cabdiweli Cali Cabdulle (Timacadde) ayaa sheegay in shaqo dardar leh ay qabteen muddadii yareyd ee ay Hay’addu jirtay.

Wasiirka Cusub ee Wasaaradda Arimaha Gudaha Fadaraalka iyo dib u heshiisiinta mudane Cali Yuusuf Cali (Cali ayaa Maamulka Hay’adda aqoonsiga iyo diiwaangalinta Qaranka ku ammaaanay shaqada wanagsan ee ay u hayaan guud ahaan Ummadda Soomaaliyeed, wuxuuna Wasiirku sheegay inay dardar galinayaan sidii Kaarka Aqoonsiga loo gaar siin lahaa guud ahaan Dalka si Muwaadin kasta ay ugu sahlanaato qaadashada Kaarka aqoonsiga Qaranka.

Taliyaha Ciidanka dhulka oo kormeer ku tagay Deegaano ay ka socdaan Howlgalo ka dhan ah Khawaarijta.

Muse Abdullahi Cirro — Mon, 25 Mar 2024 07:22:39 +0000

Saraakiil uu hogaaminaayo Taliyaha Ciidanka dhulka Gen. Dayax Cabdi Cabdulle ayaa safar kormeer iyo dhiiri gelin ku tegay Saldhigyada Ciidamada Xoogga dalka ee gobolka Shabeelaha Hoose.

Taliyaha Ciidanka dhulka Gen. Dayax Cabdi Cabdulle ayaa lakulmay Ciidanka qaranka eek u sugan deegaanada kala ah Bariire, lambar 50, lambar 60, iyo deegaanka Buufoow-bacaad.

Socdaalka kormeerkaan ayaa waxaa taliyaha Lugta ku wehliyay taliyaha guutada 14 Oct ee Ciidanka Xogga dalka G/le dhexe Nuur Maxamed Gaabow (Nuur-farey) iyo saraakiil kale.

Taliyaha Ciidanka dhulka Gen Dayax Cabdi Cabdulle ayaa ciidankii uu la kulmay ku dhiiri galiyay sidii casharada adag ugu dhigeen khawaarijta nafla-caariga ah, sidoo kole taliyaha ayaa ciidanka kula dardaarmay inay adkeeyaan Difaaca dalka iyo Dagaalka Khawaarijta.

Ciidanka qaranka ayaa maalmihii ugu danbeeyay Howlagalo sifeyn ah kawaday deegaano ka tirsan Gobolka Shabeelaha hoose oo khaaarijtu kasoo maleegaysay Dhagar ay la doonayaan Shacabka Soomaaliyeed, Dhagar-qabayaasha ayaa todobaadkaan wajahay howlgalo jab-xooggan lagu gaarsiiyay.

War-murtiyeed ayaa ka soo baxay Wadahadalladii Jabuuti uga socday Dowladda Federaalka Soomaaliya iyo Somaliland.

Muse Abdullahi Cirro — Fri, 29 Dec 2023 17:34:53 +0000

Dagaal u dhexeeya Ciidanka xoogga dalka iyo xoogagga deegaanka oo is garabsanaya iyo Khawaarijta oo ka socda Deeganka jeex jeex iyo buurta yacgoos oo u dhaxeeya Magaalooyinka caad iyo camaara ee Koofurta gobolka Mudug

Muse Abdullahi Cirro — Wed, 20 Dec 2023 08:47:34 +0000

Dagaal u dhexeeya Ciidanka xoogga dalka iyo xoogagga deegaanka oo is garabsanaya iyo Khawaarijta ayaa ka socda Deeganka jeex jeex iyo buurta yacgoos oo u dhaxeeya Magaalooyinka caad iyo camaara ee Koofurta gobolka Mudug halkaas oo hadda lagu ciqaabayo Khawarijta.

Howlgalka waxaa qaaday Ciidanka xoogga iyo xoogagga deegaanka oo is kaashanaya ka dib markii ay heleen xogta Maleyshiyaad Khawaarij ah oo isku aruursanayay deegaanadaas.

Saraakiisha Ciidanka ayaa Warbaahinta Qaranka u xaqiijiyey in dagaalka lagu jabiyey cadowga walina uu socdo dagaalku.

Howlgalka ayaa qeyb ka ah halganka sifeynta cadowga ee ka socda Koofurta Mudug oo dhul ballaaran looga xoreeyey shufto diimeedka caadeysatay dhibaatada shacabka.

” width=”18″ height=”18″ />

All reactions:

158

Wasiirka Gaashandhiga XFS oo kulan Dar daaran ah la qaatay Saraakiisha Taliska Qeybta 60-aad ee Ciidanka Xoogga Dalka.{SAWIRRO}

Muse Abdullahi Cirro — Wed, 25 Oct 2023 11:43:43 +0000

Wasiirka Wasaaradda Gaashandhiga Xukuumada Federaalka Soomaaliya Mudane Cabduqaadir Maxamed Nuur (Jaamac) ayaa kulan Dar daaran ah la qaatay Saraakiisha Taliska Qeybta 60-aad ee Ciidanka Xoogga Dalka.

Wasiirka oo uu Wehliyey Taliye ku xigeenka Ciidanka Xooga Dalka ayaa Saraakiisha Faray in sida ugu dhow ubilaabaan Howlgallada Dalka lagaga Saarayo Khawaarijta ee Caqabadda ku noqday Nolosha iyo Hormarka Dadka iyo Dalka Soomaaliyeed.

Madaxweynaha Koofur-galbeed oo Baydhabo ku qaabilay Safiirka dowladda Ethiopia {SAWIRRO}

Muse Abdullahi Cirro — Wed, 25 Oct 2023 10:19:17 +0000

Madaxweynaha Dowladda Koonfur Galbeed Mudane Cabdicasiis Xasan Maxamed Laftagareen ayaa Xarunta Madaxtooyada ku qaabilay Safiirka Dowladda Federaalka Itoobiya ufadhiya Soomaaliya Mudane Mukhtar Mohamed Waare.

Madaxweynaha iyo Safiirka ayaa ka wada hadlay Xoojinta Wadashaqaynta labadda Dowladood, Iskaashiga Amniga iyo sidii Dowladda Itoobiya ay uga qeyb qaadan lahayd Wajiga 2-aad ee Dagaalka.

guddoomiye ku xigeenka guddiga Qaranka ee Shaqaalaha rayidka ah oo la guddoonsiiyey shahaadada kaarka aqoonsiga Qaranka.

Muse Abdullahi Cirro — Mon, 23 Oct 2023 17:53:02 +0000

Kusimaha Guddoomiyaha ahna Guddoomiye Kuxigeenka Guddiga Ee Shaqaalaha Rayidka ah Mudane Cali Mumin Mudey oo maray dhammaan habraacyada diiwaangelinta Qaadashada Kaarka Aqoonsiga Dadweynaha (National ID) ayaa maanta Xarunta Guddiga Shaqaalaha lagu guddoonsiiyey Shahaaddada Kaarka Aqoonsiga.

Guddoomiye Kuxigeenka Guddiga ayaa u mahadceliyey Xubnihii ka socday Hay’adda Aqoonsiga & Diiwaangelinta Qaranka ee NIRA, isaga oo Alle uga baryay in uu u fududeeyo shaqada muhiimka ah ee Diiwaan galinta guud ahaan dadka Soomaaliyeed iyo Kuwa sida Sharciga ah ku jooga dalkeena.

Sidoo kale, qaar ka mid ah Xubnaha & Howlwadeennada Guddiga Shaqaalaha Rayidka ah ayaa qaatay shahaaddooyinka Kaarka Aqoonsiga kuwaas oo Todobaadkii hore maray Nidaamka diiwaangalinta Muwaadiniinta.

Sida uu qorshuhu yahay waxaa dhawaan si toos ah u bilaaban doonta diiwaan galinta Muwaadiniinta Soomaaliyeed ee qaadanaaya Qaadashada Kaarka Aqoonsiga Dadweynaha (National ID) oo lagu bilaabi doono Shaqaalaha Dowladda.

guddoomiye ku xigeenka guddiga Qaranka ee Shaqaalaha rayidka ah oo la guddoonsiiyey shahaadada kaarka aqoonsiga Qaranka.

Horjooge Khawaarijta ka tirsanaa oo lagu qabtay Koofurta Mudug.

Muse Abdullahi Cirro — Fri, 20 Oct 2023 12:01:43 +0000

Horjoogihii Khawaarijta u qaabilsanaa aruurinta lacagaha baadda ah ee ay ka qaadaan shacabka deegaanka Bacaadweyne ee gobolka Mudug Ismaaciil Aadan Maxamed ayaa lagu qabtay deegaanka Qoriley ee koofurta Gobolka Mudug.

Ciidanka xooga dalka, Daraawiishta Galmudug iyo xoogagga deegaanka ayaa iska kaashadey soo qabashada Dhagar-qabe Ismaaciil oo dhuumaaleysanayay inkastoo uu saraakiisha ciidanka u sheegay inuu doonayay inuu isku dhiibo ciidamada.