Ciyaaraha – Somali National Television – sntv.so

waxaa dib loo dhigey ciyaarta finalka ee galmudug iyo hirshabeele

Leyla Aden — Fri, 26 Jan 2024 10:32:38 +0000

Muddo Laba Maalin Ah ayaa dib Loo dhigay Ciyaarta finalka Galmudug iyo Hirshabele oo lagu madalsanaa Berri oo sabti ah,Waxaana la ciyaari doonaa Maalinta Isniinta 29-ka Bishaan sida uu shaaciyey Xiriirka kubadda cagta Soomaaliyeed.

Xiriirka kubadda cagta JFS oo sheegay in dib loo dhigay jadwalka

Leyla Aden — Sat, 30 Dec 2023 07:01:39 +0000

Waxaa dib loo dhigay muddo labo maalin ah tartanka kubadda cagta ee dowlad goboleedyada xubnaha ka ah dowladda Federaalka iyo maamulka gobolka Banaadir.

Warqoraal ah oo ka soo baxay xiriirka kubadda cagta Soomaaliya ayaa lagu yirii ujeedo hakin cayaarah maamul gobaleedyafa iyo gobolka Banaadir:-

Waxaan si xushmad leh idin kaaga mahadcelineynaa ka qeybgalka tartanka maamul gobaleedyada iyo gobolka Banaadir iyo horumarinta kubadda cagta Soomaaliya guud ahaan,hadaba waxaan idinku wargalineynaa in la hakiyay cayaaraha maamul goboleedyada iyo gobolka Banaadir oo dib loo dhigay muddo labo maalmood ah,iyadoo la ciyaari doono 1-daa January 2024 waxaan la idinla soo wadaagi doona jawdalka ciyaaraha tartanka maamul goboleedyadda iyo gobolka Banaadir ee sanadkaan 2023.

Sidaasi darteed waxaan ku rajaweyn nahay in sidii aan horay idinkaaga baranay aad ugu soo diyaar garoobi doontaan.

Soomaaliya oo ka qeyb galeysa tartanka Pan African Schools championship 2023.

Muse Abdullahi Cirro — Sun, 10 Dec 2023 11:37:07 +0000

Soomaaliya oo ka qeyb galeysa tartanka Pan African Schools championship 2023, kaasi oo sanadkan lagu qabanayo dalka Kenya.

Waxaa maanta dalka ka amba baxay cayaartoyda BU school oo sanadkan Soomaaliya ku matali doona tartanka Pan African Schools championship oo markii ugu horeysay ay Soomaaliya ka qeyb galeyso.

Is reeb reebka tartankan ee gobalka CECAFA ayaa ka furmi doona magaalada Nairobi ee dalka Kenya 11- ka bishan waxaana la rajeynayaa in cayaartoyda Banadir United school oo mudo diyaar garow ku jiray ay guulo la taaban karo kasoo hooyaan.

Wafdiga ciyaartooyda waxaa hogaaminayey Maxamed ciro oo ka mid ah guddiga fulinta xiriirka Soomaaliyeed ee Kubadda Cagta, waxaana garoonka diyaaradaha kasagootiyey gudoomiye ku xigeynka seddexaad ee xiriirka Soomaaliyeed Kubadda cagta mudane Yuusuf Xuseen Muumin.

Pan African Schools championship 2023

Naadiyaasha Kubbada Cagta ee Dekadaha iyo Gaadiidka oo u safray magaalada Baydhabo

Abdiaziz Loyal — Mon, 04 Dec 2023 08:22:52 +0000

Naadiyaasha Kubadda Cagta Dekeddaha iyo Gaadiidka ayaa maanta u safray magaalada Baydhabo, halkaasi oo taariiqda markii ugu horaysay lagu ciyaarayo koobka Super Cap-ka Soomaaliya 2023.

Garoonka Kubadda Cagta ee Dhaqtar Ayuub Stadium ayaa lagu ciyaari doonaa kullanka xiisaha badan ee labada kooxood.

Koobka Super Kabaha Soomaaliya, waxaa ciyaara sanad walba kooxda kusoo guuleysata horyaalka dalka iyo kooxda kusoo guuleysata koobka labaad ee dalka General Daa’uud.

Naadiga Gaadiidka ayaa sanadkii hore kusoo guuleysatay horyaalka Kubadda ee dalka Somali Premier League, halka naadiga Gaadiidka sanadkaan ay ku guuleystay Koobka General Daa’uud.

Soomaaliya oo door weyn ka qaadatay Bandhigga Ciyaaraha Diblomaasiyiinta 2023 oo lagu qabtay Beijing

Muse Abdullahi Cirro — Sat, 13 May 2023 14:57:28 +0000

Bandhigga Isboortiga Diblomaasiyiinta 2023 ayaa lagu qabtay Jaamacadda Ciyaaraha ee Beijing, (Beijing Sport University), kaas oo ay kaasoo soo qeyb galeen diblomaasiyiin ka kala socday dalal kala duwan. Ujeedka qorshahan laga leeyahay wuu yahay madal saaxiibtinimo, taasoo kor u qaadaysa isfahanka iyo saaxiibtinimada ka dhexeeya ergada diblomaasiyadeed ee ku sugan magaalada Beijing.

Safiirka Jamhuuriyadda Federaalka Soomaaliya ee Dalka Shiinaha Mudane Cawaale Cali Kullane,oo ka qeyb galay furitaanka munaasabadda ayaa ka hadlay doorka cayaaruhu ku leeyihiin is-dhaafsiga dhaqanka iyo xiriirka caalamiga ah, wuxuuna hadalkiisa soo jiitay dadweynihii ka soo qeyb galay, isagoo dhanka kale, tilmaamay sida ay Soomaaliya uga go’an tahay joogteynta ka qeyb galka dhacdooyinka noocaan oo kale ah, si loo xoojiyo xiriirka diblomaasiyadeed.

Bandhiggan waxa ugu muhiimsan ee lagu soo bandhigay waxaa ka mid ah tartanka ciyaaraha kubadda cagta ee loo yaqaano “futsalka”, oo ay ka soo qayb galeen 16-kooxood oo kala matalayay ergooyin kala duwan. Kooxdii ka socotay Diblomaasiyiinta Soomaaliya ayaa soo bandhigay ciyaar wanaagsan oo soo jiiday mas’uuliyiinta iyo dadkii kale ee madasha ka soo qeyb galay.

Bandhiga ciyaaraha Diblomaasiyiinta 2023 ayaa si guul leh u soo dhammaaday, waxayna ciyaarahan dhiiragelin u yihiin kor u qaadista diblamaasiyadda ciyaaraha iyo isdhaafsiga dhaqanka. Diblomaasiyiinta Soomaaliya ayaa si firfircoon uga qayb qaatay jawiga wanaagsan ee munaasabadda ku bilaabatay kuna dhammaatay, taas oo tusaale u ah xoojinaya xiriirka Soomaaliya iyo bulshada diblomaasiyadeed ee Beijing.

Ugu dambeyntii, Safaaradda Soomaaliya ayaa ugu uga mahadcelisay Xarunta Is-dhaafsiga Ciyaaraha Caalamiga ah ee Maamulka Guud ee ciyaaraha (Isboortiga) Shiinaha oo soo qaban qaabisay Bandhigan cajiibka ah iyo martiqaadkad iblomaasiyiinta Soomaaliyeed. Xiriiirka diblumaasiyadeed iyo isfahamka dhaqanku ayuu xoojinayaa bandhigan oo kale.

Safaaraddu Soomaaliya ayaa Balan qaaday in ay diblamaasiyiinta Beijing kala shaqeyneyso munaasabadaha soo socda mustaqbalka ee xoojinaya midnimada, saaxiibtinimada, iyo isdhaafsiga dhaqanka.

Xulka qarankeena oo u gudbay Final-ka 17-jirada Koobka bariga iyo bartamaha Africa.

Maxamed Silfar — Wed, 12 Oct 2022 11:42:38 +0000

Ciyaar goor dhaw soo dhamaatay Xulka qarankeena Soomaaliya ee 17-jirada ayaa u gudbay Final-ka Koobka bariga iyo bartamaha Africa, Kadib markii ay Guul Muhiim ah ka gaareen Dhiggooda Dalka Uganda.

Ciyaartaan oo ah mid xiisa u leh dadka soomaaliyeedna Maadaama aay isha ku hayeen Guulaha iyo Tayada Xulka Qaranka Ee Da’doodu ka Hooseeso 17-ka

Ciyaarta ayaa 90kii Daqiiqo kusoo idlaatay Garba siman oo 1-1 ah Balse Waxaa laysla aaday Gool ku laad Taasi oo Xulka Qaranka ay Guul ka keeneen kadib markii 7-8 aay kaga Tilaabsadeen Dhighooda Uganda.

Xulka qaranka ayaa wacdaro sanadkaan ka dhigay Koobka bariga iyo bartamaha Africa ee U17-ka Kadib markii furitaankii Tartanka ay itoobiya kaga Tilaabsadeen 1-0.

Xulka Qaranka u 17

Cayaartooyda Hayland oo ka soo dagay garoonka Aadan Cabdulle

Liibaan Lugcad — Sun, 29 Aug 2021 14:01:05 +0000

Cayaartooyda kubada cagta ee ka timid Haayland ee maamul goboleedka Puntland ayaa waxaa garoonka Aadan Cabdulle ee magaalada Muqdisho ku Soodhaweyay Wasiiro ka tirsan Xukuumadda Federaalka Soomaaliya, mas’uuliyiin ka socotay qaar ka mid ah hay’addaha Dowladda Soomaaliya, Maamulka Gobalka Banaadir iyo qeybaha kala duwan ee bulshada degmooyinka Gobalka Banaadir.

Guddoomiye kuxigeenka dhinaca amniga Gobalka Banaadir Cali Yare Cali oo ka hadlay soo dhoweynta ayaa sheegay inuu rajeynayo in ay cayaartooydu la cayaaraan degmooyinka gobalka Banaadir.

Wasiirka Warfaafinta Xukuumadda Federalka Soomaliya Cismaan Abokor Dubbe oo ka mid ahaa Wasiiradii soo dhoweysay ayaa sheegay in cayaaruhu yihiin caafimaad iyo is dhexgal bulsho Xukuumadduna ay dhiirigelineyso dhalinyarada Soomaaliyeed ee cayaaryahanada ah.

Cayaartooyda ayaa ka kooban 30 iyo dhowr ruux oo ku matalayay Gobalka Hayland kuwaasoo dhowaan ku guuleystay Tartanka Koobka Kubadda Cagta iyagoo ka guuleystay Gobalka Nugaal.

Cristinano Ronaldo oo dib ugu laabanaya Manchester United

Liibaan Lugcad — Sat, 28 Aug 2021 07:19:15 +0000

Laacibka Kubadda Cagta Cristinano Ronaldo ayaa dib ugu laabanaya horyaalka Ingiriiskaa, waxaana heshiis la gaartay kooxdiisii hore ee Manchester United, iyadoo weeraryahankan caalamiga ah ee reer Portugal uu dib ugu noqonayo garoonka Old Trafford.

“Manchester United waxay ku faraxsan tahay inay xaqiijiso in kooxdu ay heshiis la gaartay Juventus, si loogu wareejiyo Cristiano Ronaldo” ayaa lagu yiri bayaan ka soo baxay kooxda Manchester United oo intaas ku daray “Cristiano, oo shan jeer ku guuleystay cabal-marinta Ballon d’Or, wuxuu ilaa hadda ku guuleystay 30 koob oo waaweyn intii uu ku jiray xirfadiisa, kuwaas oo ay ku jiraan shan horyaal oo Champions League ah, afar koob oo FIFA Club World Cup ah, toddoba horyaal oo England, Spain iyo Italy ah, iyo koobka qaramada qaaradda Yurub oo uu dalkiisa Portugal u qaaday.”

Manchester United ayaa sidoo kale bayaankeeda ku sheegtay in taageereyaasheedu ay ku farxeen soo noqoshada halyeygoodii hore, kaas oo u dhaliyay 118 gool 292 kulan oo uu u ciyaaray intii u dhexeysay 2003-2009.

Ronaldo ayaa khamiistii sheegay inusan dooneyn inuu la sii joogo kooxda Juventus ee horyaalka Talyaaniga, waxaana durbadiiba soo baxay in Manchester City oo deris la ah Manchester United ay xiiseyneyso saxiixiisa, waloow ay markii dambe ay ka laabatay, taas oo uu fursad u siisay inuu ku laabto koodiisii hore.

Tababaraha Juventus oo Ka hadlay tagitaanka Ronaldo

Liibaan Lugcad — Fri, 27 Aug 2021 12:26:47 +0000

Tababaraha kooxda kubadda cagta Juventus Massimiliano Allegri ayaa ku dhawaaqay warkii dunidu u dheg taagaysay ee Cristiano Ronaldo iyo xaqiiqada Ku aadan in uu ka tegayo kooxda Juventus.

Allegri oo warbaahinta la hadlay ayaa waxa uu sheegay in maalintii shalay ee Khamiista aheed uu Cristiano Ronaldo si cad ugu sheegay in uu ka tegayo kooxda Juventus, isla markaana ay kooxdu u ogolaatay.

Tababaraha kooxda Juventus ayaa yiri: “Cristiano Ronaldo shalay ayuu ii sheegay inuu si degdeg ah uga tegayo Juventus. Waa run waana xaqiiqo. Tani waa sababta aanu maanta u qaadanin tababarka, mana ciyaari doono kulanka berri ee Empoli.”

Tababaraha oo hadalkiisa sii wata, ayaa yiri: “Anigu kama niyad-jabsani Cristiano Ronaldo. Waxa uu doonayaa inuu tago, doorashana wuu sameeyey. Waxa uu doonayaa koox kale kaddib saddex sannadood oo uu halkan joogay. Waa qayb nolosha ka mid ah.”

Xiddiga reer Portugal ayaa saaka tegay xarunta tababarka Juventus xilli ay ciyaartoydu ku sugan yihiin, waxaana uu kusoo macasalaameeyey ciyaaryahannada iyo shaqaalaha tababarka.

Laacibkan ayaa kusii jeeda horyaalka waddanka Ingiriiska ee Premier League ayaa la sheegayaa in uu laba sannadood oo heshiis ah u saxeexayo Manchester City.

Ronaldo oo Juventus ay 105 milyan oo Euro kaga soo iibsatay Real Madrid xagaagii 2018 ayaa waxa uu go’aansaday inuu ka tago Turin saddex sannadood kaddib, waxaana kaliya la sugayaa inta ay Man City sida rasmiga ah ugu dhawaaqayso heshiiskiisa.

Cayaar kubadda cagta ah oo lagu kala yaacay kadib markii garsoorihii la soo baxay bastoolad

Liibaan Lugcad — Sun, 22 Aug 2021 13:18:55 +0000

Cayaartaan oo ka dhaceysay wadanka Honduras, ayaa garsoorihii ciyaartu la soo baxay bastoolad, markii taageeroyaal ka carooday rigoore uu diiday ay ku soo yaaceen garoonka.

Sida ay soo xigatay Jariidadda The Sun, goobjoogayaal ayaa sheegaya in la arkayey garsooraha oo ay ku hareereysanyihiin taageerayaal careysan iyo asaga oo bastoolada hadba koox kula jeesanaya bartamaha garoonka dhexdiisa.

Muuqaal lagu baahiyey baraha bulshada ayaa waxaa laga arki karayey, taageerayaasha oo qeylinaya iyo wax u muuqday in ay ahaayeen dhawaqa rasaas, qeybta hore ee muuqaalka.

Garsooraha ayaa la arkayey asaga oo dhowr xabadood dhulka ugu dhufanaya taageerayaasha careysan, si ay uu isaga kala eryo, ilaa ugu dambeyntii ay ka kala carareen.

Bastoolada ayaa la sheegay in nin qaraabo la ahaa garsooraha uu u dhiibay markii ay ciyaartu dhammaatay si uu isugu difaaco hadii taageerayaashu soo weeraraan.

Mid ka mid ah taageerayaasha ayaa la arkayey asaga oo ku leh garsooraha “ wacal baad tahay” inkasta oo uu dadka ku gambanayey.

Ilaa iyo hada lama oga in garsoorahaas loo cuskan doono qodobo ku saabsan anshaxa kubadda. Balse waxa la wada ogsoonyahay in Honduras ay caan ku tahay xasaradaha ka dhasha kubadda cagta. Waxana ugu caansanaa ‘dagaalkii kubadda cagta’ 1969 Honduras iyo El selvador, kaas oo ka dhashay kulamo kubadda cagta ah oo ay koobkii aduunka sanadkaas wada yeesheen labada dal. Waxa ayna arintaasi sababtay in 3usbuuc kadib labada dal iclaamiyaan dagaal.

Laatiin America ayaa caan ku ah rabshadaha banooniga ka dhasha, waxana bishan horaanteedii 3dex qof lagu dilay mid kalena lagu dhaawacay, ciyaar ka dhaceysay dalka Mexico, halkaas oo nin ku hubeysan qori AK47 uu rasaas ooda uga qaaday taageerayaal kubadeed, isaga oo ku baxsaday gaari uu watay, walow aan la caddeyn ilaa iyo hada sababta toogashadaas.